Isaya 43:4 - Bhibhiliya Nya Guage

⁴ Kholu uwe u di gu golega mahoni gwangu, ni gu zundzega, gambe nyi gu gode, nyi na gu dzegisa khu vathu, nyi na ningela mayigo gasi gu khala mhamba nya gu gudzegise.

Isaya 43:4 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Dzindzimo 135:4

Uye hathide Jakobe gu khala waye, ni va na Israyeli gu khala thomba yaye.

Isaya 49:5

Gasi olu, a ngu ganela Pfhumu Nungungulu, a nyi wumbidego nyi ngari ndrani ga mayi, gu khala githumi gyaye, gasi nyi mu bweledzela Jakobe, ni gu tshanganisa Israyeli a wuya gwaye, gasi eni nyi dhumiswe mbeli ga Pfhumu Nungungulu, Uye a gu tshivba yangu.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 31:3

Pfhumu Nungungulu a dzi wonegiside khu matshigu ma vbindridego, a ganela, khuye: “Eni nyi gu gode khu lihaladzo li si vbeligo; khu kotani nya wuwadi wangu nyi gu ndrindredzede.”

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Malakiya 1:2

Pfhumu Nungungulu a ngu ganela, khuye: “Eni nyi mi gode gikhati gyatshavbo; aholu enu mwa gu ganela, khenu: U hi gode khu magolelo muni? Pfhumu Nungungulu a ngu hakha, khuye: Gasi Esawu khandri a diri ndruye wa Jakobe, gani? Aholu eni nyi di gola Jakobe,

Malakiya 3:17

Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.”

Johane 16:27

kholu uye abune Babe a ngu mi gola, kholu mu nyi godego ni gukhodwa gukhenu nyi dzude khu ga Nungungulu.

Johane 17:23

Eni gwawe, uwe gwangu, gasi avo va pwanane nya guvbelele, gasi litigo li dziti gwadi gukhilo khuwe u nyi rumedego, ni gukhilo u va gode kha nga idzo u nyi godego khidzo.

Johane 17:26

Nyi va tiviside lina lago; nyi ngu nga gu va tivisa gambe, gasi lihaladzo u nyi golago khilo li khale gwawe, eni neni nyi khale gwawe.”

Johane 5:44

Mu na khodwa kharini enu mu girelanago lidiwo khu gyanu, mu si thembigo wuzundzo wutago basi khu ga Nungungulu?

Dhewuteronome 14:2

Kholu mu vathu va agidego mahoni ga Pfhumu Nungungulu wanu, gambe Pfhumu Nungungulu a mi hathide vbakari nya mayigo yatshavbo ya mafuni, gasi mu khale vathu Vaye.

Dhewuteronome 26:18

Uye, nuye muhuno Pfhumu Nungungulu, tiyiside khuye, enu mu vathu mu lumbago uye basi, Uye a ngu mi ruma gukhuye mu fanede gu sayisa milayo yaye yatshavbo.

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.