Isaya 43:3 - Bhibhiliya Nya Guage

³ Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Isaya 43:3 Iomraidhean Croise

Genesi 10:7

Sanana sa Khusi khesi: Sebha, Havhila, Sabhita, Rama ni Sabhiteka. Sanana sa Rama khu Sebha ni Dhedhani.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Ekisodha 10:7

Khavbo avbo, sithumi sa Faro si di mu embela, khiso: “Kala lini sathu na hi gu tshaniswa khu mwama yoyu? Tshula vathu vava va hongole va ya khozela Pfhumu Nungungulu wawe. Ina khu woni gukhuwe Egipito gu ngu mbemba, gani?”

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Mavingu 11:8

Muthu nya gululame a ngu duswa vbadzimhangotunu, wulangani gwaye gu yiswa gighohi.

Mavingu 21:18

Muthu nya guvivbedwe khu monyo a na bani nari mudzegisi nya milandru ya valulamidego, va tsayiswa khu kotani nya sighoho sa va nya gululama.

Isaya 19:20

Esi si na khala giyeyedzo ni wufakazi wa Pfhumu Nungungulu nya Tshivba Yatshavbo tigoni ga Egipito, kholu va gu lila ga Pfhumu Nungungulu khu kotani nya avo va va tshanisago, Uye a na va rumela muvbanyisi ni muvhikeli nya gute va tshudzisa.

Isaya 20:3

Khavbo avbo, Pfhumu Nungungulu a di ganela, khuye: Kha nga edzi gi giridego githumi gyangu Isaya, a gimbidego myaga miraru wumbwiri ni gumba ambala silato, giyeyedzo ni gitiviso ga Egipito ni ga Etiyopiya, khiso si na gu va dugelelago,

Isaya 30:11

Ndreyani ndzilani momo, hambanani ni gindzilana gyogyo, mu nga hi embelini gambe khu oyu a Agidego wa Israyeli.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 42:8

Eni kheni Pfhumu Nungungulu: Eli khilo lina langu nyi ranwago khilo! Wudhumo wangu kha nyi na ningela mumbe muthu, ambari gu ningela wuzundzo wangu ga sifananiso nya guvatwe.

Isaya 43:11

Eni kamwe, kheni Pfhumu Nungungulu, vbavbandze gwangu mwalo mumbe muvbanyisi.

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 45:15

Khu lisine, uwe u Nungungulu nya sihalo, uwe u Nungungulu ni Muvbanyisi wa Israyeli.

Isaya 45:21

Ganelani mahungu mu ma pwadza, ni gu ninga wufakazi wanu. Wudzisanani khu gyanu. Khu mani a tivisidego silo sesi gukhugela gikhati gya gale? Gukhugela ga gikhati gile, khu mani a si tivisidego? Ina kamwe khandri eni Pfhumu Nungungulu nyi si giridego, gani? Kholu mwalo mumbe Nungungulu, vbavbandze nya eni, Nungungulu nya gululame ni mutshudzisi, mwalo mumbe vbavbandze ga eni.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 60:16

U na sela mahwe ya va nya mayigo, u hodza thomba ya vafumeli. Khavbo avbo, u na dziti nya gukhuwe eni kheni Pfhumu Nungungulu, kheni Muvbanyisi ni Mudzegisi wago, nya Dzitshivbe wa Jakobe.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 16:21

Aholu gukhugela olu guya mbeli, nyi na va layedza ni gu va gira va wona tshivba yangu, va na dziti gukhavo lina langu kheni Pfhumu Nungungulu.”

Ezekiyeli 39:7

Nyi na gira lina langu nya guage li tidwa vbakari nya vathu vangu va na Israyeli, gima kha nyi na diga gambe lina langu nya guage li nyenyeziswa; ni va nya mayigo va na dziti gukhavo kheni Pfhumu Nungungulu, a Agidego wa Israyeli.

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Levhi 11:44

Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni.

Amosi 9:7

Ina enu va na Israyeli, avbo gwangu kha mu khali kha nga sanana nya Vaetiyopiya, gani kha nga idzo nyi golago khidzo Vaetiyopiya, gani? A ngu ganela Pfhumu Nungungulu. Ina kha nya dusa va na Israyeli khu tigoni ga Egipito, ni Vafilisitiya khu tigoni ga Kafitori, ni Vaasiriya khu tigoni ga Kiri, gani?

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.