Isaya 43:1 - Bhibhiliya Nya Guage

¹ Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 43:1 Iomraidhean Croise

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 102:18

Satshavbo sesi si na lovedwe situgulwana si nga gutago, gasi vathu va na velegwago hwane va dhumisa Pfhumu Nungungulu.

Ekisodha 15:13

Khu wuwadi wago u thangede vathu vago U va dzegisidego, U di va hetedza khu tshivba yago U va yisa wulangani gwago nya guage.

Ekisodha 15:16

Va di modwa khu hwanga ni gundrendremela khu kotani nya tshivba nya libogo lago. Va emide va banga kha nga siwindri, kala va vbindra vathu vago, Uwe Pfhumu Nungungulu! Kala va vbindre vathu u va dzegisidego.

Ekisodha 33:17

Pfhumu Nungungulu a di hakha, khuye: “Nyi na gira esi u nyi lombago; kholu uwe u manide wuhigo mahoni gwangu, gambe nyi ngu guti khu lina.”

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 45:11

Pfhumu Nungungulu, Nyaguage wa Israyeli, Wule a gu wumbidego, a ngu ganela kharati, khuye: Ina mu na nyi wudzisani mayelano khu iso si nga gutago ga sanana sangu, gani? Mwendro gu nyi leletela khu mahungu nya thumo nya mandza yangu, gani?

Isaya 48:17

A ngu ganela kharati Pfhumu Nungungulu, Mudzegisi wago, Nyaguage wa Israyeli, khuye: Eni kheni Pfhumu Nungungulu wago, a gu hevbudzago ugo nya gwadi gu gu phasago, oyu a gu thangelago ga ndzila u yelago gu gimbila khiyo.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 51:13

Gasi khuwe mani uwe u divalago Pfhumu Nungungulu, a gu vangidego, uye a ladzidego ndzadzini ni gu tsitsa litigo wulangani gwaye; u na simama gu thedwa hwanga matshigu yatshavbo khu likhulo la mutshanisi a gu vbweta gu gu mbembisa, gani? Gasi olu, la gu vbelela hayini likhulo la wule a nga bani a gu tshanisa?

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Isaya 63:16

Aholu uwe khuwe Babe wathu, ambari Abrahama na si hiti, ni Jakobe a si khathali khu ethu; Uwe Pfhumu Nungungulu, khuwe Babe wathu; U Mudzegisi wathu, gukhugela guhegulani, khilo lina lago ilolo.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 31:3

Pfhumu Nungungulu a dzi wonegiside khu matshigu ma vbindridego, a ganela, khuye: “Eni nyi gu gode khu lihaladzo li si vbeligo; khu kotani nya wuwadi wangu nyi gu ndrindredzede.”

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Jeremiya 50:34

Aholu uye a gu Mutshudzisi wawe a na ni tshivba, lina laye khu Pfhumu Nungungulu nya Tshivba Yatshavbo. A na ema navo a va vhikela gasi litigo lawe li mana gurula, a ndrendremedzisa vatshavbo vavbanyi va Bhabhiloni.

Gililo 3:57

Litshigu nyi gu ranidego U hidzimede vbafuvbi gwangu, u nyi embela, khuwe: “U nga thavi.” Resi

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Dhaniyeli 10:19

Gi nyi embela, khigyo: “U nga khali hwanga, uwe u gigodwa ngudzu. Gurula gu na khale ni uwe! Tiya! U nga thavi!” Avbo nyi nga embedwago magana yaya, nyi di dzipwa na nyi tiyide, nyi ganela, kheni: “Ganela mune wangu, kholu u nyi ningide tshivba.”

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:17

Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.”

Mithumo 27:20

Hi vbedzide matshigu nya gulaphe nyamba wona lidambo mwendro dzinyeledzi. Gingulu gi di simama khu tshivba ni tshivba, hi si tumbi gukhethu hi na vbuluga.

Mithumo 27:25

Khu kharato, vandruye, tiyani! Eni nyi ngu tumba gukheni Nungungulu a na tadzisa magana a nyi embedego.

Vaefeso 2:10

Kholu khuye a nga hi wumbago; a hi vangide, a hi tshanganisa ni Kristo Jesu gasi hi mane guvbanya nya gutale khu mithumo ya yadi, mithumo Nungungulu a yi dongisedego khu gale gukhuye hi vbanya khiyo ethu.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!

Dhewuteronome 32:9

Gipandre gya Pfhumu Nungungulu, khu vathu vaye, Jakobe khuye gipandre nya thomba yaye.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.