Isaya 42:6 - Bhibhiliya Nya Guage

⁶ Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 42:6 Iomraidhean Croise

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 27:3

Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 32:1

Wonani, gu nata mufumeli a natago a ta fumela khu gululama, dzindruna dzaye, dzi na lamula mahungu khu gululama ni lisine.

Isaya 41:13

Kholu eni, Pfhumu Nungungulu wago, nyi ngu gu phara khu libogo lago la nyamudye, nyi gu embela, kheni: U nga thavi, eni nyi ngu gu phasa.

Isaya 41:2

Khu mani a wugidego khu Khagadambo, muthu nya tshivba a palago ni evbini a hongolago, na? A wuya a mu ninga mayigo ni gu khozisa vafumeli mbeli gwaye? Khu litshari laye, a di va vbindrugedza va khala kudzudzwane, khu wulaho waye, a va gira kha nga mavivi ma vbuvbiswago khu phuvbo?

Isaya 42:1

Wonani githumi gyangu, gihathwa gyangu nyi gi sayisago, gi nengedzisago monyo wangu. Nyi thede Liphuvbo langu avbo gwaye, gasi a yise gululama ga va nya mayigo.

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 45:1

Pfhumu Nungungulu a ngu ganela ga Kiro, a mu todzidego khu mafura, uye a mu pharide khu libogo laye la nyamudye, a mu ninga tshivba gasi a pala mayigo mbeli gwaye, nyi na thela hwanga vafumeli gasi va tule malimba nya lidhoropa, nyamba segwa gambe.

Isaya 45:13

Kheni nyi khendzugisidego Kiro khu gululama gwangu, nyi lulamedza dzindzila dzaye dzatshavbo; uye a na vbaha lidhoropa langu ni gu tshudzisa vathu vangu va guromo wugumbini, nyamba livbwa dzitsapawu mwendro gu bongwa, a ngu ganela Pfhumu Nungungulu nya Tshivba Yatshavbo.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 13:47

Kholu Pfhumu a hi rumide, khuye: Eni nyi gu vegide kha nga wenengedzo nya mayigo gasi u khale ndzila nya guvbanyiswe gwawe kala mahegiso nya litigo.

Mithumo 26:23

mahungu nya gupwani Misiya emede gufa gasi a khale muthu nya guhegule gu wuga khu gufani, a emiswa kha nga wenengedzo nya guvbanyise vbakari nya Vajudha ni va nya mayigo.”

2 Vakorinto 1:20

Kholu ambari situmbiso sa Nungungulu si manide “Ina,” khu guralo hi ngu ganela khu Uye khethu, “Amen” hi dhumisa Nungungulu.

Vahebheru 12:24

Ga Jesu a gu Mutshanganisi nya gidzumeledzwano nya giphya, uye a vbaladzidego Novba wu ganelago silo nya gu hi phase guvbindra novba wa Abheli.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

Vahebheru 7:2

Abrahama a di ningela gipandre nya likhumi nya phango watshavbo. Gilo nya guphele, lina gu tshamusela gupwani “Mufumeli nya gululame.” Kha nga a nga bani ari mufumeli wa tigoni ga Salema, lina laye la gu tshamusela gambe gupwani “Mufumeli nya gurule.”

Vahebheru 7:26

Jesu khuye Muphasi nya Khongolo nya mhamba hi mu vbwetago. Uye agide, uye mwalo gihoso ambari gighoho, uye hambanisidwe ni sighohi, a gu khusedzwa guvbindra vbatshani ndzadzini.

Vahebheru 8:6

Khu lisine, Jesu pharisidwe thumo nya wuphasi nya wukhongolo guvbindra vaphasi vatshavbo. Gidzumeledzwano a giridego nya gutshanganise Nungungulu ni vathu gikhongolo, kholu, gi seketedwe khu gitumbiso nya gikhongolo ngudzu.

Vahebheru 9:15

Khu kotani nya isoso, Kristo khuye mutshanganisi nya gidzumeledzwano nya giphya, gasi vale va nga ranwa khu Nungungulu va hakhe makategwa nya gupindruge, aya Nungungulu a nga tumbisago. Esi si ngu girega khu kotani nya gufe gwaye gu nga vbulugisago vathu mugighohoni va giridego na gi nga gu thuma gidzumeledzwano nya guhegule.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.