Isaya 42:4 - Bhibhiliya Nya Guage

⁴ Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 42:4 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Isaya 40:22

Khuye a khadego khu vbatshani nya litigo, vavbanyi vakone a gu va wona kha nga mbasa, uye a gu ladza damboni kha nga mwendra, a gu ghwimba kha nga tshatsha nya gukhale umo;

Isaya 40:28

Ina kamwe khu dziti mwendro gupwa gilo, gani? Nya gupwani Nungungulu, Pfhumu nya gupindruge, khuye Muvangi nya litigo latshavbo, kha garali ni guvbela tshivba, gani? Wugengeli waye mwalo a wu pimago.

Isaya 41:5

Mayigo ya sidwani ma si wone esi, ma thava, ni mahegiso nya litigo gu di ndrendremela, vathu va di tshangana va hidzimela;

Isaya 42:10

Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 42:12

mu rungudza Pfhumu Nungungulu ni gu pwadza wuzundzo waye ga mayigo nya sidwa.

Isaya 42:21

Pfhumu Nungungulu a di gu nengela khuye, khu lihaladzo nya gululame gwaye, a mu khusedzide khu nayo, a mu ninga wudhumo.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 51:4

Nyi yingiseni, enu vathu vangu ni uwe litigo langu! Upwani esi nyi vbwetago gu mi embela: Khavbo gwangu gu na duga nayo, gululama gwangu gu na bani guri wenengedzo nya mayigo.

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 55:5

Wona nya gukhuwe u na rana litigo u si litigo, ni litigo li si gutigo li nata vbafuvbi gwago, khu kotani nya lihaladzo la Pfhumu Nungungulu wago, ni la Nya guage wa Israyeli, kholu uye a gu ningide wudhumo.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Isaya 9:7

Gasi wufumu waye nya gurule wu engedzelane kala gupindruga, vbagikhalotunu nya wufumu wa Dhavhidhe ni mufumo waye, a wu tiyisa ni gu wu seketela khu nongameto ni gululama, gukhugela olu kala gupindruga. Khathalelo waPfhumu Nungungulu nya Tshivba Yatshavbo wu na gira isoso.

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Matewu 12:21

Va nya mayigo vatshavbo va na tumba lina laye!”

Marko 3:3

Khavbo avbo, Jesu a di embela mwama nya gulimale libogo, khuye: “Delu u ta ema vbakari vbavba.”

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

1 Vakorinto 9:21

Ni vale va si gu Vajudha, va si landrisigo Nayo, nyi dzi giride neni kha nga muthu nyamba landrisa Nayo nyi fela gu mana avo va si gu Vajudha. Kha nya gira esi khu guyeyisa Nayo wa Nungungulu, kholu eni nya gu fumwa khu Nayo wa Kristo.