Isaya 42:16 - Bhibhiliya Nya Guage

¹⁶ Nyi na gimbidzisa sikhumu khu ndzila si si yitigo, nyi va gimbidzisa khu sindzilana nya gu gima kha sa nga gimbila khiyo, mbeli gwawe nyi na vbindrugedza gidema gi khala guwonegela, ni dzindzila nya sikhidinga dzi na guledzedwa. Silo sesi nyi na si gira satshavbo nyamba tshiya ni gimwegyo.

Isaya 42:16 Iomraidhean Croise

Dzindzimo 94:14

Kholu Pfhumu Nungungulu kha na diga vathu vaye, ambari gu diga thomba yaye.

Muhevbudzi 1:15

Gile gi wegedego gima kha gi lulamiswi, ni igyo gi gu mwalo kha gi sayedwi.

Muhevbudzi 7:13

Nga khedza thumo Nungungulu a giridego; khu mani a kodzago gu lulamedza iso a si wegedzidego?

Isaya 26:7

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Isaya 29:24

Vathu va ndreyidego ndzilani nya gululame, va na mana mapimo, ni avo nyamba khathala khu gilo, va na dzumela gu hevbudzwa.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Isaya 32:3

Ni maho ya vale va wonago, kha ma na segwa, ni dzindzeve dza vale va vbwetago gupwa, dzi na yingisa.

Isaya 35:5

Khavbo avbo, maho nya sikhumu ma na tulega ni sivbwiri si na tulega dzindzeve sipwa.

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Isaya 40:4

Mikova yatshavbo yi na futedwa, sigomo ni sigomwana, satshavbo si na guledzedwa, iso si wegedego si na lulamiswa, malangani nya sikhidinga, gu na guledzedwa.

Isaya 41:17

Avo va tshaniswago ni vahamugi, va gu vbweta mati, kha va ma mani, malimi yawe ma bangide khu lidora; aholu, eni, Pfhumu Nungungulu wa Israyeli, nyi na yingisa nombelo wawe, gima kha nyi na va diga.

Isaya 41:3

A gu va lundra a thanga mbeli gwawe na tiyide, khu ndzila migondro yaye yi si gu gimbiligo khiyo.

Isaya 45:2

Nyi na gimbila mbeli gwago, gasi gu lulamisela dzindzila nya guwegele, nyi na pandrelela malimba nya sugu ni gu ghwawula migonyo nya dzisimbi.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Isaya 48:17

A ngu ganela kharati Pfhumu Nungungulu, Mudzegisi wago, Nyaguage wa Israyeli, khuye: Eni kheni Pfhumu Nungungulu wago, a gu hevbudzago ugo nya gwadi gu gu phasago, oyu a gu thangelago ga ndzila u yelago gu gimbila khiyo.

Isaya 52:12

Kholu kha mu na duga khu givbiredza, ambari gu khugani khu gu thava; kholu Pfhumu Nungungulu a na thanga mbeli gwanu, ni Nungungulu wa Israyeli, a na mi vhikela khu hwane gwanu.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Isaya 58:10

wa gu kabana silo sago ni oyu apwago ndzala, ni gu khurisa uye a vbisegago, khavbo mwenge wago wu na dzurago mugidemani, gu khala safa nga vbakari nya mihani.

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Ezekiyeli 14:23

“ Mu na tangala khu gu wona dzindzila dzawe ni mithumo yawe; khu guralo, mu na khodwa gukhenu satshavbo nyi giridego mule, khandri nyi di gira mahala. A ngu ganela Pfhumu Nungungulu.”

Hoseya 2:14

Nyi na pilelela misimbo yaye yatshavbo nya vhinya, ni mikandzu yaye, a gu iyo a gukhuye: Owu khu tshatshazelo wangu nyi nga ningwa khu sibhayi sangu; aholu eni nyi na mi gira misimbo nya likhabi, yi hodzwa khu sirengo nya likhabi.

Hoseya 2:6

Sanana saye kha nyi na si sayisa khu lihaladzo, kholu sanana sa wubhayini gwaye.

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.

Luka 3:5

mikova yatshavbo yi na futedwa, ni sigomo satshavbo si na guledwa, dzindzila nya guwegele dzi na lulamiswa, nidzo nya sikidinga dzi na futeledwa.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Vaefeso 5:8

Enu, gale mu di gu vbanya gidemani. Gasi olu, mu nga tshanganiswa ni Pfhumu, mu womo guwonegelani. Khavbo avbo, dzi phareni kha nga vathu va vbanyago safani nya mihani.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Josuwa 3:4

Vbakari gwanu ni Ngasa gu na manege pfhuka nya guhambane khu kilometro mweyo. Khu magirelo yaya, mu na landra ndzila yoyo, kholu gima mu di si gimbili khiyo matshigu ma vbindridego.”

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.