Isaya 42:11 - Bhibhiliya Nya Guage

¹¹ Ambari giwula, ni madhoropa yaye, gumogo ni mitalala ya Kedhari, kulungelani, embelelani khu gutsaka enu vavbanyi va Sela, emani khu vbatshani nya sigomo mu kulungela;

Isaya 42:11 Iomraidhean Croise

Genesi 25:23

Uye a di mu hakha, khuye: “Ndrani gwago momo mayigo mavili: Mahundzu mavili nya vathu ma na dugago khu ndrani gwago. Lihundzu limwedo li na pala limbe, koma a na thumela nandra.”

Dzindzimo 120:5

Libango langu, eni nyi gu muluveli tigoni ga Meseki nyi vbanyago mitshatshani ya Kedhari.

Isaya 12:5

Embelelani wuzundzo ga Pfhumu Nungungulu, kholu giride silo nya sikhongolo ngudzu, tivisani esi tigoni gwatshavbo.

Isaya 16:1

Rumelani dzinvuta nya guye ga mufumeli a fumelago litigo, gukhugela dhoropani ga Sela, a tsemakanya giwula kala gigomoni ga nyamahegyane wa Siyoni.

Isaya 21:16

Kholu Pfhumu a nyi embede, khuye: Ndrani nya mwaga moyo, wu fananago ni gikhati nya guningane ni egi muthumi a thodwego guthuma, satshavbo esi vavbanyi va Kedhari va dzi zundzago khiso, si na mwalalega.

Isaya 32:16

Wulamuli wu na vbaha giwulani, ni gululama gu na vbanya thembweni nya gunone.

Isaya 35:1

Giwula ni mafu nya gihala si na tsaka khu isoso; marumbi ma na kulungela, ma na buga senge nya gumbure nya nga makhonwa.

Isaya 35:6

Silima si na ndragandraga kha nga dzimangwa, ni malimi nya sidudu ma na kulungela khu gutsaka, kholu mati ma na goga giwulani ni gu buga mitsongo mafuni nya gihala.

Isaya 40:3

Gu ngu pwala lito la oyu a guromo gigomoni, khilo: “Dongiselani giwulani ndzila ya Pfhumu Nungungulu; lulamisani ni gu guledzela sindzilana sa Nungungulu wathu.

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Isaya 60:7

Mitshambi yatshavbo nya dzinvuta dza Kedhari, yi nata tombana avbo gwago. Dzihamba dzatshavbo dza Nebhayoti, dzi na gu lumba; dzi na khala ningelo nya gutsakise vbagiluvelotunu gwangu. Eni nyi na mburisa wugulu nya Nyumba yangu nya miphaso.

Jeremiya 21:13

Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 48:28

Dugani madhoropani mu ya khala musiwindrini, enu mu vbanyago Mowabhi! Girani nga matuva ma vbahago sihaga sawe myanyani nya dziphago.

Jeremiya 49:16

Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 49:31

Khugani mu eme, indrani mu ya dwana ni litigo li guromo gurulani, li vbanyago khu gu dzi tumba a ngu ganela Pfhumu Nungungulu; li gu mwalo malimba, ambari sikwinyaro, li khadego tendrelani nyamba tshirwa khu gilo.

Ezekiyeli 27:21

Arabhiya ni vafumeli vatshavbo va Kedhari, va diri mandzani gwago, va gu rengisela dzinvuta, dzihamba ni vamabhongwe.

Obhadhiya 1:3

U sengidwe khu matshandza ya monyoni gwago, kha nga uye a vbanyago dziphagoni nya siwindri, u vbahidego vbatshani yoyo nya sigomo, na wu gu ganela khu monyoni gwago, khuwe: Khu mani a na nyi redago nyi thega vbavbatshi.

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.