Isaya 42:10 - Bhibhiliya Nya Guage

¹⁰ Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 42:10 Iomraidhean Croise

1 Dzikoronika 16:32

Li na dzume linene, ni satshavbo si guromo umo; mahange ma na tsake, ni satshavbo si bugago umomo.

Dzindzimo 150:6

Sivangwa satshavbo nya guvbanye si dagatago si na dhumise Pfhumu Nungungulu! Aleluya! A na dhumiswe Pfhumu Nungungulu!

Dzindzimo 33:3

Embelelani Gwaye ndzimo nya yiphya; wombani khu tshivba na mu gu kulungela.

Dzindzimo 40:3

Vegide kanani gwangu ndzimo nya yiphya, ndzimo nya gurungudze Nungungulu wathu; nya vangi va na si wona silo soso, va na thava ni gu tumba Pfhumu Nungungulu.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 72:10

Vafumeli va Tarisisi ni va sidwani va na rese miningelo nya gu mu luve; vafumeli va Sabha ni va Sebha, va na mu resele miningelo.

Dzindzimo 96:11

Gu na tsake ndzadzini, mafuni gu nengela, Gu na dzume linene ni satshavbo si guromo ga ilo.

Dzindzimo 97:1

Pfhumu Nungungulu a ngu fuma. Li na kulungele litigo, gu na nengele talo nya sidwa.

Ekisodha 15:1

Khavbo avbo, Mosi ni sanana sa na Israyeli va di emba ndzimo yeyi nya gurungudze Pfhumu Nungungulu, khavo: “Nyi na embelela ga Pfhumu Nungungulu a wonegisidego gidhumo gyaye nya gikhongolo: Rinyide phwani kavalu ni mukhileli wakone.

Ekisodha 20:11

Kholu, khu livbandre na limwedo matshigu, Pfhumu Nungungulu giride ndzadzi ni mafu, linene ni satshavbo si guromo umo, a gu hefemula khu litshigu nya livbandre na mavili. Khu kotani nya kharato, Pfhumu Nungungulu kategiside litshigu nya Sabhadho a li agisa.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 12:5

Embelelani wuzundzo ga Pfhumu Nungungulu, kholu giride silo nya sikhongolo ngudzu, tivisani esi tigoni gwatshavbo.

Isaya 42:4

Kha na vbela tshivba ambari gu garala, kala a gu tivisa gululama tigoni; mayigo ya sidwani ma na lirela gupwa sihevbudzo saye.

Isaya 44:23

Embelelani khu gutsaka, enu ndzadzini, kholu si giridwe khu Pfhumu Nungungulu! Wombani mikulungwane enu mu guromo guetani nya mafu! Embani sizimba khu gunengela, enu sigomo, magabi ni misimbo yaye yatshavbo, kholu Pfhumu Nungungulu tshudziside Jakobe, a dzi dhumisa khu Israyeli.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 49:13

Ghiyani mu womba mikulungwane, enu ndzadzini, u nengela khu gutsaka, uwe litigo, ni enu sigomo bhumani mu kulungela, kholu Pfhumu Nungungulu pwide gisiro, a tangadzisa vathu vaye.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 60:6

Dzingameriya nyambana tengo, dzi na fenengedza litigo lago, ni marole nya dzingameriya dza Medhiyani ni Efa. Va nata vatshavbo khu Sabha, na va rwade ndralama ni libani, na va gu embelela wudhumo wa Pfhumu Nungungulu.

Isaya 60:9

Khu lisine, mayigo ya sidwani ma na nyi lirela; guhegula ma nata mataro ya Tarisisi, ma resa sanana sago khu hwindzo, avo va na resa gumogo parata ni ndralama, nya guphasele lina la Pfhumu Nungungulu wago, ni Oyu nya Gukatege wa Israyeli, kholu uye a gu khusedzide.

Isaya 62:11

Wonani gukhenu Pfhumu Nungungulu magana yaye ma vbohide kala mahegiso nya litigo, khuye: “Embelani lidhoropa la Siyoni, khenu: Wona a nguta muvbanyisi wago; a nguta ni tshatshazelo waye a gu vathu a va tshudzisidego a va thangisa mbeli gwaye.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Gutuledwa 14:3

Va di gu embelela ndzimo nya yiphya mbeli nya gikhalo nya wufumu, mahoni nya sivangwa sa sina nya guvbanye ni manganagana. Mwalo mumbe a kodzago gu yi hevbula ndzimo yile, vbavbandze nya vale nya lizana ni magumana na mana magumi mazana (144.000) nya vathu va nga dzegiswago vbakari nya litigo.

Gutuledwa 5:9

Ma di gu emba ndzimo nya yiphya, khayo: “U na ni fanelo nya gu hakhe libhuku ni gu namula sifungo saye, kholu u songidwe; khu novba wago, u dzegiside vathu nya mahundzu, malimi, mafumbu, ni mayigo yatshavbo. U gu va ningela ga Nungungulu.