Isaya 41:4 - Bhibhiliya Nya Guage

⁴ Khu mani a giridego ni gu thuma satshavbo sesi? Khu wule gukhugela guhegulani a giridego gukhuye vathu va manege mafuni, Kheni kamwe Pfhumu Nungungulu, nya guphele ni guhegisa.

Isaya 41:4 Iomraidhean Croise

Dzindzimo 102:27

Aholu uwe khuwe kamwe wa moyo, myaga yago yi mwalo mahegiso.

Dzindzimo 102:28

Sanana sa vathu vago, si na vbanya na si tiyide, ni situgulwana sawe si na tiyiswa mbeli gwago.

Isaya 40:12

Ina womo a pimidego mati ya linene khu gyandza gyaye, gani? Ni uye a pimidego ndrengelenge wa ndzadzini khu dzinyala dzaye? Khu mani a pimidego gitundruni kudzudzwane watshavbo nya mafu, ni gu pima sigomo ni sigomwana vbagikalotunu?

Isaya 40:26

Khusedzani maho mu khedze vbatshani, mu wona. Khu mani a giridego silo sesi? Khuye a si hengeledzelago kha nga mabutho yaye nya dzinyeledzi, satshavbo a si rana khu malina yawe, khu mahungu nya wugulu nya tshivba yaye, ni gutiya nya mufumo waye, gimwalo gi na kenelelago.

Isaya 41:20

Gasi vathu vatshavbo va na wona ni gu dziti, va khala na va gu pima gukhavo, khu Pfhumu Nungungulu a giridego satshavbo sesi, khuye Nyaguage wa Israyeli a si vangidego.

Isaya 41:26

Gukhugela guhegulani, khu mani a tivisidego esi, gasi hi kodze gu siti; gasi khu mambe matshigu hi kodze gu ganela khethu: “Lisine kamwe a ganelago?” Aholu mwalo a nga si tugula, ambari nya gu hi tivise, ni gupwa magana yanu.

Isaya 41:3

A gu va lundra a thanga mbeli gwawe na tiyide, khu ndzila migondro yaye yi si gu gimbiligo khiyo.

Isaya 42:24

Khu mani a ningedego Jakobe a phangwa, ni Israyeli mandzani nya vaphangi? Ina khandri Pfhumu Nungungulu, oyu va mu ghohedego, gani. Khuye va nga ndreyago ndzilani gwaye, va si dzumeli gu yingisa nayo waye.

Isaya 43:10

“Enu mu dzifakazi dzangu, a ngu ganela Pfhumu Nungungulu,” nyi gu hathide gasi u khala githumi gyangu; gasi u dziti, u khodwa ni gu pima gukhenu eni kheni kamwe, khu hwane gwangu mwalo mumbe Nungungulu a na manegago, khu mbeli gwangu, kha na manega mumbe.

Isaya 43:13

Gukhugela matshigu ya gale, Eni nyi diri Eni; mwalo ni moyo a kodzago guvbulugisa muthu mandzani gwangu; igyo nyi girago, mwalo a nyi himbedzelago.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 48:12

Jakobe, tula ndzeve u nyi yingisa, ni uwe Israyeli, nyi gu ranidego; Eni kheni kamwe, kheni nya guhegule, gambe kheni nya guhegise.

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”

Mithumo 15:18

a ngu ganela Nungungulu a nga tulelago gu tidwa silo sesi khu myaga ya gale.’

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

Gutuledwa 1:11

na li gu, khilo: “Iso u si wonago, si love libhukuni, u li rumela ga livbandre na mavili mabandla ya Aziya a gu aya: Efeso, Esmirina, Pergamo Tiyatira, Sardhesi, Filadhelifiya ni Lawodhikeya.”

Gutuledwa 1:17

Gikhati nyi nga mu wona, nyi di thega migondroni gwaye kha nga muthu nya gufe. Aholu, uye a di nyi handzega libogo laye la nyamudye, khuye: “U nga thavi! Eni kheni Guphela ni Guhegisa.

Gutuledwa 1:8

Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

Gutuledwa 2:8

Lovela ngilozi ya libandla la Esmirina, khuwe: “Wule a gu Guphela ni Guhegisa; wule a ngafa a wuya a wuga, wari, khuye:

Gutuledwa 22:13

Eni kheni Alfa ni Omega! Oyu nya Guhegule ni uye nya Guhegise. Guphela ni Guhegisa.