Isaya 41:16 - Bhibhiliya Nya Guage

¹⁶ U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 41:16 Iomraidhean Croise

Dzindzimo 1:4

Kha gu giregi kharato ga vathu nya guvivbedwe khu monyo; avo va gu fanana ni mwasi wu phalalegiswago khu phuvbo.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 17:13

Vathu nya mayigo va na gulumela kha nga gudzuma nya mavimbi, aholu Uye a na va kawuka, va tutuma va hongola hwindzo, gu fanana ni mungu wa gigomoni wu phalalegiswago khu phuvbo.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 28:5

Ga litshigu lolo, Pfhumu Nungungulu nya Tshivba Yatshavbo a na khala gihugu nya wuzundzo ni wumburi ga mitshaledwa nya vathu vaye.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 29:5

Gidzemo ya valala vago, gi na fanana ni lipfhi nya kudzudzwane, ni gidzemo nya vatshanisi, gi na fanana ni mavivi ma vbuvbiswago khu phuvbo; khu gikhati gidugwana, isoso si na girega.

Isaya 35:10

Avo va na tshudziswago khu Pfhumu Nungungulu, va na bwelela va wuya Siyoni, na va gu kulungela khu gutsaka; Va na fenengedzwa mihungoni gwawe, khu litsako nyamba vbela. Va na taledwa khu gutsaka ni gunengela; gulila ni wuvi si na bani si vbindride gwawe.

Isaya 40:24

Na va ngari gu sigedwa mwendro gu yadwa, avbo va phelago gu thela mikhamba, tshina yaye ya gu pidwa; va gu furugedzwa khu phuvbo vbatshani gwawe va vuna, va ta dzegwa khu gingulu va vbuvba kha nga mavivi.

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Isaya 65:18

Aholu mu na tsaka mu nengela khu satshavbo iso nyi na gu si vangago; kholu wonani lidhoropa la Jerusalema, nyi na li gira nari ilo li tsakisago vathu vangu, ni vathu vaye va khala na va nengede.

Jeremiya 15:7

Nyi va vbevberide khu gisavala dzinyangwani nya litigo, vathu vangu nyi va dzegede sanana sawe, nyi bwelo khavbo nyi va mbembisa; gambe kha va diga dzindzila dzawe nya guwegele.

Jeremiya 51:2

Nyi na rumela va nya mayigo tigoni ga Bhabhiloni, vata mu vbevbera nga mungu wu vbuvbiswago khu phuvbo va ya thegela hwindzo ni litigo lawe, kholu va nata randredwa khavo khu maphuvbo yatshavbo khu litshigu nya tsayiso.

Jeremiya 51:20

Uwe Bhabhiloni, u diri gikhokhotho ni litshari nya nyimbi mandzani gwangu, khu uwe, nyi vbadzulede mayigo ni gu pfhungumula vafumeli;

Jeremiya 51:33

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Nyamahegyane wa Bhabhiloni womo kha nga githala avbo nya gikhati nya guvbwere, gu tshade vbadugwana, gi na vboha gikhati nya guvbule.

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Hoseya 11:9

Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Habhakuka 3:18

ambari khu guralo, eni nyi na khusedza Pfhumu Nungungulu, nyi nengela ga Nungungulu nya guvbanyise gwangu.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Varoma 5:11

Gambe khandri iso basi. Ethu hi na ni gunengela nya gukhongolo ngudzu mbeli gwa Nungungulu khu kota ya Jesu Kristo, a gu uye hi manago khuye gutshangana ni Nungungulu.

Vafilipi 3:3

Kholu ethu khethu hi hakhidego wugwera nya lisine, ethu hi khozelago khu Liphuvbo la Nungungulu, hi vegago wuzundzo wathu ga Jesu Kristo, ethu hi si vegigo gitumbo gyathu avba nya tumbunugo nya wuthu.