Isaya 41:11 - Bhibhiliya Nya Guage

¹¹ Vatshavbo avo va gu zondrago va na poyilega va tala khu dzitshoni, va na vbwasamiswa vatshavbo va gu dwanisago, va vbela havo bhi.

Isaya 41:11 Iomraidhean Croise

Ekisodha 11:8

Khavbo avbo, sithumi sago satshavbo si na relela si ta gwangu si ta nyi khidzimela, khiso: “Duga uwe ni vathu vago vatshavbo u va thangelago. Hwane nya ugo, nyi na duga.” Khavbo avbo, Mosi a di duga khu ga Faro na garadzegide ngudzu.

Ekisodha 12:29

Ni vbakari nya wutshigu, Pfhumu Nungungulu a di songa matiwula yatshavbo ya Vagipiti, gukhugela matiwula ya Faro, a nga yela guphara ndronga nya wufumu, kala matiwula ya gibotshwa gi khothedwego pasoni, ni matiwula yatshavbo nya sifuyo.

Ekisodha 23:22

Aholu wa gu yingisa lito laye, u landrisa satshavbo esi yi gu embelago, Eni nyi na bani nyiri nala wa valala vago, nyi gu dwanela ga ava va gu wugelago.

Isaya 17:13

Vathu nya mayigo va na gulumela kha nga gudzuma nya mavimbi, aholu Uye a na va kawuka, va tutuma va hongola hwindzo, gu fanana ni mungu wa gigomoni wu phalalegiswago khu phuvbo.

Isaya 29:5

Gidzemo ya valala vago, gi na fanana ni lipfhi nya kudzudzwane, ni gidzemo nya vatshanisi, gi na fanana ni mavivi ma vbuvbiswago khu phuvbo; khu gikhati gidugwana, isoso si na girega.

Isaya 29:7

Gidzemo nya mayigo yatshavbo gi na dwanisago Ariyeli, gi na khala kha nga ndroro ni giwoniso nya wutshigu, gu na girega gambe ga vatshavbo vale va zamago gu mu dwanisa, ni gukhungumula lidhoropa ni mabhiyo yaye, va li phanga.

Isaya 29:8

Gufanana gambe ni muthu apwago ndzala a lorago na gu hodza, aholu, a gu wuga a gu simama gupwa ndzala; mwendro muthu apwago lidora a lorago na gu sela mati, aholu, a wuga na gu dagarela khu lidora, gu na girega kharato ni sidzemo nya mayigo yatshavbo, si na dwanago ni gigomo gya Siyoni.

Isaya 34:12

Olu kha gu na manega gambe vathu nya guthavisege tigoni mule, gasi gu phariswa ndronga nya wufumeli; ni dzindruna dzawe dzatshavbo, dzi na bani dzi si phasi gilo.

Isaya 40:17

Mayigo yatshavbo kha ma phasi gilo mbeli gwaye; khandri ya gilo mbeli gwaye, a gu ma wona kha nga gilo nya liphanga!

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 41:24

Wonani nya gukhenu kha mu va gilo, thumo wanu kha wu phasi gilo, mwa gu hakhani uye a tago ni manyala avbo gwanu.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 45:24

Va na ganela khu eni, khavo: Gululama ni tshivba somo ga Pfhumu Nungungulu basi; va nata gwaye na va tade khu dzitshoni vatshavbo vale va nga mu wugelago.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Isaya 49:26

Vatshanisi vago nyi na va hodzisa nyama yawe, nyi bwelo khavbo nyi va levisa khu novba wawe, gukhwatshi wadwa nya givhayi; khu guralo, vathu vatshavbo va na dziti gukhavo kheni Pfhumu Nungungulu, Muvbanyisi, ni Mudzegisi wago, Nyadzitshivbe wa Jakobe.”

Isaya 54:15

A gu manega nya gu gu dwanise, khandri eni nyi na mu rumago; uye a na vbwetago gu gu wugela, u na mu pala.

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Jeremiya 12:17

Aholu, va gumba yingisa, nyi na va wandrela litigo lile, nyi va mbembisa; a ngu ganela Pfhumu Nungungulu.

Jeremiya 2:3

Gikhati gyogyo Israyeli a diri vathu va phasedwego Nungungulu gambe a diri mihandro nya guhegule nya guvbwere gwaye, vatshavbo va nga bani va mi sasela, va di gu dzi vangela nandru, va thegedwa khu libango; a ngu ganela Pfhumu Nungungulu.

Zakariya 12:3

Litshigu lolo, nyi na gira Jerusalema gu khala giwindri nya gulemele ga mayigo yatshavbo; oyu a na yedzago gu gi khusa, a na vbadzuledwa khigyo; mayigo yatshavbo ya mafuni ma na patana ma wugela Jerusalema.

Mithumo 16:39

Va di ta va lomba divalelo, va duga navo vbavbandze, va gu va khongotela gu duga khu dhoropani.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.