Isaya 41:10 - Bhibhiliya Nya Guage

¹⁰ u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Isaya 41:10 Iomraidhean Croise

Genesi 15:1

Hwane nya satshavbo sesi, Pfhumu Nungungulu a di wonega ga Abrama a mu embela, khuye: “U nga thavi Abrama. Eni kheni Muvhikeli wago; u na hakha tshatshazelo nya yikhongolo ngudzu.”

Genesi 26:24

Pfhumu Nungungulu a di dzi wonegisa gwaye ni wutshigu, a mu embela, khuye: “Eni kheni Nungungulu wa babe wago Abrahama. U nga thavi gilo, kholu, Eni nyi nago, nyi na gu kategisa, nyi engedzela melego wago, khu kotani ya githumi gyangu Abrahama.”

Genesi 31:5

A di va embela, khuye: “Nyi ngu wona khovbeni ga babe wanu gukheni khandridzo saye ni guhegulani, aholu, Nungungulu wa babe wangu a na ni eni.”

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

2 Samuweli 22:19

Va di nyi wugela litshigu nyi nga bani nyiri wuvini, aholu Pfhumu Nungungulu a di ta nyi tiyisa.

1 Dzikoronika 12:18

Dhavhidhe, a di va khinga aya va embela, khuye: “Enu, mwa gu bani muri mwa guta avbo gwangu khu gurula ni guta nyi phasedzelani, monyo wangu wu na hungana nanu; aholu, a gu bani nari mwa gu vbweta gu nyi ningela ga valala vangu, Nungungulu wa vababe vathu, a na si wone ni gu lamula.”

2 Dzikoronika 20:17

Ga nyimbi yeyi khandri enu mu na gu dwanago, folani mu eme mu na wona idzo Pfhumu Nungungulu a na gu mi vbanyisani khidzo, mu nga thavi enu vavbanyi va Judha ni Jerusalema, ambari gu thurugiswa khu gilo; mindru khugani mu ya tshangana navo, kholu Pfhumu Nungungulu a na bani nari nanu.”

2 Dzikoronika 32:8

Uye libogo nya wuthu basi a gu nalo, aholu ethu, hi na ni Pfhumu Nungungulu wathu, gasi gu hi phasedzela ni gu hi dwanela dzinyimbini gwathu.” Khavbo avbo, vathu vatshavbo va di tangadziswa khu magana ya Ezekhiya, mufumeli wa Judha.

Dzindzimo 144:11

Nyi vbulugise tshivbani ya va nya mayigo, avo va gambago malipha khu kanani gwawe, gyandza gyawe gya nyamudye, gya gu sambanya malipha.

Dzindzimo 144:8

Magana yawe ma gu kodza gu ganela malipha basi, ambari va gu sambanya khu gukhusedza libogo lawe la nyamudye, va gu lipha basi.

Dzindzimo 145:14

Pfhumu Nungungulu a ngu tiyisela avo va kanakanago, a gu wusa avo va rerekago va thega.

Dzindzimo 147:12

Uwe Jerusalema rungudza Pfhumu Nungungulu; uwe Siyoni, dhumisa Nungungulu wago.

Dzindzimo 18:36

U ngu anamisa ndzila migondroni gwangu, mawundru yangu kha ma khuyugeli.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 29:11

Pfhumu Nungungulu a ngu ninga tshivba vathu vaye, Pfhumu Nungungulu a ngu kategisa vathu vaye khu gurula.

Dzindzimo 33:12

Li kategide litigo lile Nungungulu a gu uye Pfhumu Nungungulu, ni vathu a va hathidego gu khala thomba yaye.

Dzindzimo 37:17

Kholu mawogo nya vathu nya guvivbe ma na fanywa, aholu Pfhumu Nungungulu a na sayisa avo va lulamidego.

Dzindzimo 37:24

a gu tshunganela kha thegi, kholu Pfhumu Nungungulu a ngu mu phara khu libogo.

Dzindzimo 41:12

Gasi khu eni, u na nyi vbanyisa wurumba wangu, u nyi sayisa mbeli gwago kala gupindruga.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 63:8

Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Dzindzimo 65:5

Nungungulu muvbanyisi wathu, Uwe u ngu hi hakha ni gu hi vbanyisa khu gu gira silo nya gusamadzise; litigo latshavbo la gutumba uwe, ni avo va guromo linene ga hwindzo.

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Ekisodha 20:20

Mosi a di embela vathu, khuye: “Mu nga thavi. Kholu Nungungulu a dita, gasi guta mi linga, khu gu fela gukhuye githawo gyaye gi manega na gi romo mbeli gwanu, gasi mu si ghohini.”

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Isaya 37:6

Isaya a di va embela, khuye: “Embelani mune wanu, khenu: Pfhumu Nungungulu a ngu ganela kharati, khuye: U nga thedwi hwanga khu magana u ma pwidego, ayo ma residwego khu sithumi sa mufumeli wa Asiriya, a nyi vadego khayo.”

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 50:9

Wonani nya gukhenu Mune, Pfhumu Nungungulu a na nyi phasa; khu mani a na nyi konago? Wonani nya gukhenu vatshavbo va na hagala nga mwendra wa gale, va na hodzwa khu muhwa.

Isaya 52:7

Edzi yi mburidego khidzo sigomoni migondro ya vale va tivisago mahungu nya yadi nya maphya, va pwadzago gurula; va tivisa silo nya sadi nya gutsakise si pwadzago guvbanyisa, oyu a embelago Siyoni, khuye: “Nungungulu wago a ngu fuma!”

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Gililo 3:57

Litshigu nyi gu ranidego U hidzimede vbafuvbi gwangu, u nyi embela, khuwe: “U nga thavi.” Resi

Dhaniyeli 10:12

A di engedza, khuye: “Dhaniyeli, u nga khali hwanga. Gukhugela litshigu nya guhegule u nga dzi sodzisa mbeli ga Nungungulu wago khu gu vbweta guti makungo yaye, malito yago ma yingisidwe, eni nya guta gu ninga phindrulo yaye.

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Hoseya 1:9

Pfhumu Nungungulu a di mu embela, khuye: Mu riye lina la Lo-Ami, gutshamusago gupwani khandri vathu vangu, kholu kha mwi vathu vangu, eni neni kha nyiri Nungungulu wanu.

Agewu 1:13

Khavbo avbo, Agewu, girumwa gya Pfhumu Nungungulu, a di ganela ga vathu gukhedza khidzo a nga rumedwago khidzo khu Pfhumu Nungungulu, khuye: “Eni nyi womo vbakari gwanu, a ngu ganela Pfhumu Nungungulu.”

Agewu 2:5

Kha nga gidzumeledzwano nyi giridego nanu, gikhati mu dugidego khu tigoni ga Egipito, Liphuvbo langu li ngu vbanya vbakari gwanu; mu nga thavi gilo.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.

Luka 1:30

Ngilozi yi di, khiyo: “Mariya, u nga thavi, kholu u manide wuhigo mahoni ga Nungungulu.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

2 Vakorinto 12:9

Aholu, uye a di nyi hakha, khuye: “U na eneledwa khu wuhigo wangu, kholu tshivba yangu ya gu dzi yeyedza khu gu tadzisega, ga vale va gu mwalo tshivba.” Khu gu dzina gwangu nyi na seketela wudhumo wangu ngudzungudzu guvbungugani nya tshivba yangu, gasi tshivba ya Kristo yi dzi wonegisa khavbo gwangu.

Vaefeso 3:16

nyi mu lomba gukheni, khu gutala nya wufumu waye, a mi tiyise myonyoni gwanu khu tshivba nya Liphuvbo nya Guage.

Dhewuteronome 20:1

Wa gu hongola litungatunu nya guye dwana nyimbi ni valala vago u wona dzikavalu, dzikareta ni vathu nya tengo nya wungi guvbindra uwe, u nga va thavi; kholu Pfhumu Nungungulu wago a nga gu dusago khu tigoni ga Egipito, a na ni uwe.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.

Josuwa 1:9

Gasi kha nya gu ruma, gani? Gukheni tiya longo ni gutimisela; u si thavi ambari guthuruga kholu Pfhumu Nungungulu wago, a na bani ari nago gwatshavbo umo u na gimbilago khumo.”

Valamuli 6:16

Pfhumu Nungungulu a di mu hakha, khuye: “Eni nyi na bani nyiri nago, u na pala va na Medhiyani vatshavbo nga khwatshi wa gu pala muthu moyo basi.”