Isaya 40:9 - Bhibhiliya Nya Guage

⁹ Uwe u reselago Siyoni mahungu nya yadi nya maphya, lita gigomoni nya gulaphe. Khusedza lito khu tshivba, uwe u reselago Jerusalema, mahungu nya yadi, u nga thavi, embela madhoropa ya Judha, khuwe: “Wonani, khuye oyu Nungungulu wanu.”

Isaya 40:9 Iomraidhean Croise

2 Dzikoronika 13:4

Khavbo avbo, Abhiya a di gwela vbatshani nya gigomo; gi ranwago gupwani Zemarayimi, gi manegago ga gipandre nya sigomo sa Efrayimi, a ganela, khuye: Uwe Jerobhowamo, nenu mwatshavbo va na Israyeli, nyi yingiseni!

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 41:27

Eni kheni nya guphele gu tivisa Siyoni, kheni: Khavo avovo! Jerusalema nyi na mu ninga ngilozi nya gurese mahungu maphya.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Isaya 52:6

Khu guralo, vathu vangu va na liti lina langu, khu litshigu lolo, va na dziti nya gukhavo kheni nyi ganelago gukheni: “Nyi womo avba.”

Isaya 58:4

Wonani nya gukhenu, mwa gu hala na mu gu ganedzisana ni gu dwanisana, na mu gu vetana khu sibhakela nya dzihanyi; mwa gu hala kharato, nombelo wanu kha wu na vboha ndzadzini.

Isaya 61:1

Liphuvbo la Mune, Pfhumu Nungungulu lomo avbo gwangu, kholu Pfhumu Nungungulu a nyi todzide khu mafura, a nyi wumbela gasi nyi huwelela mahungu maphya ga avo va vbedego tshivba; a nyi rumide guya hawulugisa avo va gu ni myonyo yi khuvekidego, ni gu huwelela gutshulega ga dzikhumbi, ni gu dusa vale va khothedwego mapasoni;

Jeremiya 22:20

Jerusalema gwela Libhanoni u ya laledza, khu lito nya likhongolo tigoni ga Bhasani; u laledza nuri khu Abharimi, kholu sigodwa sago satshavbo si mbembisidwe.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Nahume 1:15

Wonani musigomoni migondro ya wule a resago mahungu nya yadi, a huwelelago gurula! Uwe Judha, gira mikhuwo nya mibuzo yago, u landrisa sisambanyo sago, kholu va nya mayigo, gima kha va na nga gu sasela gambe; avo va na mbembisedwa muphelo.

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Mithumo 2:14

Pedro, na emide gumogo ni vale nya likhumi na moyo, a di khusedza lito a gu ganela kharati, khuye: “Enu vathu va Judheya ni enu mwatshavbo mu vbanyago Jerusalema, khalani na mu gu dziti, gambe tulani gwadi dzindzeve mu yingisa magana yangu.

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 4:29

Gasi olu, Pfhumu, wona, va ngu hi thela hwanga; ninga tshivba sithumi sago si huwelela mahungu yago khu gu tiya gwatshavbo;

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Vaefeso 6:19

Nyi lombeleleni neni, gasi Nungungulu a nyi ninge magana nya guenele gikhati nyi tivisago Mahungu nya Yadi.

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Pedro 3:14

Aholu mu na bani mu kategide mwa gu mana sisaniso khu kotani nya gugire iso nya sadi. Mu nga thavi muthu, gambe mu nga thurugi.

Valamuli 9:7

Gikhati Jothamo a pwidego isoso a di gwela tshokatunu nya gigomo gya Gerizimi, aya ganela khu lito nya gukhugege a va embela, khuye: “Nyi yingiseni enu sivelegwa sa Sikemi, gasi Nungungulu a kodze gu mi yingisa.