Isaya 40:7 - Bhibhiliya Nya Guage

⁷ Mwasi gu banga, senge si thega, avbo liphuvbo la Pfhumu Nungungulu li furugedzago vbatshani gwawe. Lisine kamwe, vathu va ngu fanana ni mwasi.

Isaya 40:7 Iomraidhean Croise

Joba 14:2

A gu rumbuga gu fanana ni genge, bwelo khavbo a wu na, a mwalalega gu fanana ni mwedzi, a si wonegi gambe;

Joba 4:9

Khu furugedzo basi nya phuvbo ya Nungungulu, va na mbembiswa; vafa khu phuvbo nya likhulo laye.

Joba 41:21

Sighomba ya gu si wona nga dzitshava, ya gu hegiswa khu gupwa wungelengendze nya matshari.

Dzindzimo 102:4

Monyo wangu wu hekhidwe wu banga kha nga mwasi; nya gu divala ni gu hodza.

Dzindzimo 103:15

Matshigu nya guvbanye nya muthu ma gu fanana ni mwasi; wa gu dandra, wu rumbuga nga senge sa khabini.

Dzindzimo 103:16

Ya gu furugedza phuvbo sa gu wu na si mwalalega, si hongola wulanga nyamba tidwa.

Dzindzimo 90:5

U ngu vbiyela vathu va vbindra mafuni kha nga ndroro, va fanana ni mwasi wu nyugago dzimindrudzile;

Dzindzimo 90:6

vbadzimindrutunu wu nyuga wu rumbuga, vbasilambotunu wu wu na wu banga.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 37:27

Khu guralo, vavbanyi vaye va ngu pilega hwambo, va vbela tshivba ni gu khala dzitshoni, va fanana ni mwasi wa khabini, ni mwasi nya gunyuge, mwasi wu bugago vbatshani nya dzilangwe, ni sivbila si vbyago si si gu dandri.

Isaya 40:24

Na va ngari gu sigedwa mwendro gu yadwa, avbo va phelago gu thela mikhamba, tshina yaye ya gu pidwa; va gu furugedzwa khu phuvbo vbatshani gwawe va vuna, va ta dzegwa khu gingulu va vbuvba kha nga mavivi.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Agewu 1:9

Mu di gu lirela nya singi, aholu mu manide sidugwana; ambari esi nya sidugwana avbo mu nga si resani gaya, eni nyi di si furugedza si mwalalega. Khu kotani nya ginani? A ngu ganela Pfhumu Nungungulu nya Tshivba Yatshavbo, khuye: Khu kotani nya nyumba yangu yi khadego marumbi, gasi enu, muthu ni muthu a gu hongola gaya gwaye.

Jakobe 1:10

Gitetema nigyo gi na nengele gya gu tshiswa vbavbatshi, kholu gi na mwalalega kha nga genge nya mwasi.

Jakobe 1:11

Kholu, nga olu lidambo li dzurago khu tshivba, wu banga mwasi khu lihani, gu thega genge, wu vbela wumburi watshavbo, kharalo nugo, gi na wu na gitetema umo nya wugwewo waye.