Isaya 40:5 - Bhibhiliya Nya Guage

⁵ Vathu vatshavbo va na wona wudhumo wa Pfhumu Nungungulu, va na si pima gukhavo khu Pfhumu Nungungulu a ganedego isoso khu wurumba waye.”

Isaya 40:5 Iomraidhean Croise

1 Dzipfhumu 14:11

Ni wevbini muthu a lumbago Jerobhowamo, a gu fela dhoropani, a na hodzwa khu dzimbwa, avo va na felago khabini, va na rothedwa khu sinyoni sa damboni, kholu pfhumu Nungungulu ganede isoso.

Dzindzimo 102:16

Kholu Pfhumu Nungungulu a na vbahedza nyaluphye Siyoni a dzi wonegisa khu wudhumo waye.

Dzindzimo 102:17

A na yingisa nombelo nya khulungu kha na nga nyenya nombelo waye.

Dzindzimo 72:19

Lina laye nya wudhumo, li na simame kala gupindruga, wudhumo waye wu na tadze litigo latshavbo! Amen! Amen!

Dzindzimo 96:6

Wudhumo ni wugulu somo mbeli gwawe, tshivba ni wumburi, somo nyumbani nya guage.

Dzindzimo 97:6

Ndzadzini gwa gu tivisa gululama gwaye, ni mafuni va wona wudhumo waye.

Ekisodha 16:7

Vbadzimindrutunu, mu na wonani wugulu wa Pfhumu Nungungulu, kholu Uye pwide edzi mu nga mu bhongela khidzo. Gasi ethu hi vamani, gu kala mu hi wugelani?”

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 11:9

Malangani yatshavbo ya gigomoni gwangu nya gukatege, kha gu na manega guvivba mwendro gusongana, kholu litigo latshavbo li na tala khu guti gwa Pfhumu Nungungulu, kha nga mati ma tadzago yiphwa.

Isaya 26:15

Gambe, uwe Pfhumu Nungungulu, u engedzede vathu vava, u va engedzede va tala va gu ambagiside wudhumo, u andriside mivbingano nya litigo lawe latshavbo.

Isaya 34:16

Vbwetani libhuku la Pfhumu Nungungulu mu li hevbule; ni gimwegyo nya silo soso kha gi na hamugega; wu mwalo patwa wu na hamugegago, kholu leletede khu likana laye, ni Liphuvbo laye kamwe li na si tshanganisa.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 40:4

Mikova yatshavbo yi na futedwa, sigomo ni sigomwana, satshavbo si na guledzedwa, iso si wegedego si na lulamiswa, malangani nya sikhidinga, gu na guledzedwa.

Isaya 41:20

Gasi vathu vatshavbo va na wona ni gu dziti, va khala na va gu pima gukhavo, khu Pfhumu Nungungulu a giridego satshavbo sesi, khuye Nyaguage wa Israyeli a si vangidego.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 58:14

khu guralo, u na mana gutsaka ga Pfhumu Nungungulu, nyi na gu khadzisa vbatshani nya sigomo u zundzega, nyi gu gira u khala gihodzathomba ya babe wago Jakobe; kholu Pfhumu Nungungulu a ganede khu likana laye.

Isaya 6:3

Mweyo ni mweyo, yi di khusa lito yi ganela ga dzimbe, khiyo: “Agide, Agide, Agide Pfhumu Nungungulu nya Tshivba Yatshavbo, mafuni gwatshavbo gu tade khu wudhumo waye.”

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Jeremiya 32:27

“Wona nya gukhuwe Eni Pfhumu Nungungulu nya vathu vatshavbo; ina gyomo gilo nyi tandrwago khigyo gu gira, gani?”

Jeremiya 9:12

Khu mani muthu nya gugengele a yelago gu siti silo sesi? Khu mani a layidwego khu Pfhumu Nungungulu, gasi a tshamusela khuye magana yaye? Khu ginani litigo li mbembidego ni gu dagarela kha nga giwula, avbo nya gu mwalo ni muthu a vbindrago khumo?

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Mikeya 4:4

Muthu ni muthu, a na khala mutsani nya uvha waye, ni mutsani nya ngure waye, kha gu na manega muthu nya gu va thurugisele, kholu Pfhumu Nungungulu nya Tshivba Yatshavbo ganede.

Habhakuka 2:14

Kholu litigo li na tala khu wugengeli nya guti wudhumo wa Pfhumu Nungungulu kha nga mati ma tadzago linene.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Luka 2:32

Uye khuye wenengedzo wu na gu wenengedzago va nya mayigo, Uye gambe gidhumo gya Israyeli, ngamo yago.”

Luka 3:6

Vathu vatshavbo va na wona guvbanyisa ga Nungungulu.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

Johane 12:41

Isaya ganede esi kholu a di tuledwe gu wona gidhumo gya Jesu.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

Vahebheru 1:3

Mwamana khuye gungangamela nya wudhumo wa Nungungulu, khuye gambe giwonelo nya guvbelele gya Nungungulu. Khuye a pharago silo satshavbo khu tshivba nya magana yaye. Hwane nya gu na agiside vathu vatshavbo, a diya khala wulanga waye ndzadzini, nyamudye ga Nungungulu nya Tshivba Yatshavbo.

Gutuledwa 21:23

Lidhoropa lakone khali vbweti lidambo, ambari ngima gu wenengedza, kholu la gu wenengedzwa khu wudhumo wa Nungungulu, wenengedzo waye khu Nvutana.