Isaya 40:11 - Bhibhiliya Nya Guage

¹¹ Kha nga muhavisi a havisago tshambi waye, khu mawogoni gwaye a na wugarela sinvutana a si vega vbakhanatunu, vamayi vakone a na va hetedza, a va havisa gwadi.

Isaya 40:11 Iomraidhean Croise

Genesi 33:13

Jakobe a di hakha, khuye: “Uwe pfhumu yangu u ngu dziti gwadi gukhuwe sanana si si gu tiyeli gwadi ni gu avba nyi na ni dzinvuta ni dzimombe dzi nga gu mamago, satshavbo sa gu lumba gu sayiswa khu eni. Ha gu si gimbidzisa khu tshivba, ambari nari litshigu limwedo basi, sifuyo nya si dugwana si nafa.

Genesi 49:24

Aholu wulaho waye, wu simamide gu tiya ni misivba nya mawogo yaye yi simamide ni tshivba, khu kotani ya Muvhikeli wa Jakobe, Muhavisi ni Giwindri gya Israyeli.

Dzindzimo 100:3

Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

Dzindzimo 27:10

Kholu, babe ni mayi wangu va gu nyi diga, Pfhumu Nungungulu a na nyi hakha.

Dzindzimo 28:9

Vbanyisa vathu vago, kategisa thomba yago; va havise, u va hetedza kala gupindruga.

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Dzindzimo 80:1

Uwe muhavisi wa Israyeli, tula ndzeve, u yingisa, uwe u gimbidzisago va na Josefa kha nga tshambi wago; uwe u khadego vbagiluvelotunu, vbatshani nya dzikerubhimi, nonedza guwonegela gwago.

Isaya 42:3

Kha na funya tshava yi pandregidego, ambari gu tshima litirisida li nga gu tuvigago wutshi; a na tiyisa khu lisine gululama.

Isaya 63:11

Avbo va nga dundrugago matshigu ya gale, ya Mosi, ni ya vathu vaye, va di ganela, khavo: Womo hayi wule a nga hi vbindrisa khu vbakari nya yiphwa ni vahavisi nya tshambi waye? Womo hayi wule a nga thelago vbakari gwawe Liphuvbo laye nya Guage,

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Ezekiyeli 34:15

Eni kamwe nyi na havisa dzinvuta dzangu, nyi na dzi gira dzi hefemula, a ngu ganela Mune Pfhumu Nungungulu.

Ezekiyeli 34:16

Nyi na vbwetedzela idzo dzi dzimedego, nyi wuyisa idzo dzi phalalegidego, nyi na hungelela iyo yi bayisidwego, nyi tiyisa iyo yi vbedego tshivba; aholu iyo nya gukanyise ni iyo nya tshivba nyi na dzi mbembisa. Nyi na dzi havisa khu gululama.

Ezekiyeli 34:2

“Mwamana wa muthu, profeta ga vahavisi va Israyeli; va profete u va embela, khuwe: Mune Pfhumu Nungungulu, a ngu ganela kharati, khuye: Libango ga vahavisi va Israyeli va dzi havisago avo vabune! Gasi thumo wa vahavisi khandri wa gu havisa dzinvuta, gani?

Ezekiyeli 34:23

Nyi na emisa muhavisi moyo gasi a khale muhavisi wawe, uye a na dzi havisa; githumi gyangu Dhavhidhe khuye a na dzi havisago; uye a na khala muhavisi wawe.

Ezekiyeli 34:31

Khu guralo, enu dzinvuta dzangu, dzinvuta nya wuhaviselo wangu; enu mu vathu, aholu eni kheni Nungungulu wanu,” a ngu ganela Mune Pfhumu Nungungulu.

Ezekiyeli 37:24

Githumi gyangu Dhavhidhe a na khala mufumeli wawe, vatshavbo va na landrela muhavisi moyo basi, va na landrisa milayo yangu, va na vegedza sileletelo sangu ni gu si landrisa.

Mikeya 5:4

Uye a na simama a havisa vathu tshivbani ga Pfhumu Nungungulu, ni wugulu nya tshivba khu lina la Pfhumu Nungungulu waye avo va na khala mugurulani, kholu wugulu waye wu na vboha kala mahegiso nya litigo.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Vahebheru 13:20

Khu guralo, Nungungulu nya gurule, khu novba nya gidzumeledzwano nya gupindruge wuside khu ga vafudego Pfhumu yathu Jesu Kristo, a khadego Muhavisi nya khongolo nya tshambi.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.

1 Pedro 5:4

Gikhati a na gutago Muhavisi nya khongolo, mu nata hakha gihugu nya wudhumo nyamba kuwuluga.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”