Isaya 40:1 - Bhibhiliya Nya Guage

¹ “Tangadzisani, tangadzisani vathu vangu, a ngu ganela Nungungulu wanu!”

Isaya 40:1 Iomraidhean Croise

Nehemiya 8:10

Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Dzindzimo 85:3

U vbedzide khorodza yago yatshavbo, u bosa likhulo lago.

Dzindzimo 85:8

Nyi na yingisa esi Pfhumu Nungungulu a na ganelago, kholu a na ganela khu mahungu nya gurule ga vathu vaye, ni ga vale va khodwago gwaye; gasi va si wuyeleli gambe wupumbuni.

Muhevbudzi 3:4

gikhati nya gulile, ni gikhati nya guhege; gikhati nya wuvi, ni gikhati nya gughiye khu gutsaka;

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 3:10

Embelani va nya gululama khenu satshavbo si na va dugela gwadi, kholu, va na hodza handro nya sigiro sawe.

Isaya 41:27

Eni kheni nya guphele gu tivisa Siyoni, kheni: Khavo avovo! Jerusalema nyi na mu ninga ngilozi nya gurese mahungu maphya.

Isaya 50:10

Khu mani vbakari gwanu a ningago githawo Pfhumu Nungungulu, a yingisago lito la githumi gyaye? A gu gimbila mugidemani nyambana wenengedzo, a na tumbe lina la Pfhumu Nungungulu, a na vege gitumbo gyaye ga Nungungulu waye.

Isaya 51:12

Eni kheni kamwe nyi na gu mi tangadzisago; gasi uwe, khuwe mani, nya gukala u thava vathu va fago va hina, mwendro sanana nya vathu si na bangago gu fanana ni mwasi?

Isaya 51:3

Kholu Pfhumu Nungungulu a na tangadzisa Siyoni, ni gupwa gisiro khu malanga yatshavbo ma khadego marumbi; giwula gyaye, a na gi gira gi fanana ni Edheni, marumbi yaye ma fanana ni lithembwe la Pfhumu Nungungulu. Umomo gu na manega litsako ni gughiya, gu na manega gubonga ni dzindzimo nya sizimba.

Isaya 52:9

Ghiyani mu embelela gumogo, enu marumbi ya Jerusalema; kholu Pfhumu Nungungulu tangadziside vathu vaye, a tshudzisa Jerusalema.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Ezekiyeli 16:42

Khu guralo likhulo langu nago li na vbela ni khorodza yangu yi tadego khu wufu yi na vbela; nyi na tangala, nyamba goroga gambe.

Zakariya 1:13

Khavbo avbo, Pfhumu Nungungulu a di hakha ngilozi yi nga bani na yi gu ganela ni eni khu magana nya yadi, magana nya gutangadzise.

Zakariya 1:17

“Huwelela gambe, u ganela, khuwe: Pfhumu Nungungulu nya Tshivba Yatshavbo a ngu ganela kharati, khuye: Madhoropa yangu ma na bwelo khavbo ma tala gambe khu makategwa; Pfhumu Nungungulu a na tangadzisa Siyoni, a wuya gambe a hatha nyaluphye Jerusalema.”

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

2 Vakorinto 1:4

a gu uye a hi thavelelago sigaradzoni sathu satshavbo gasi hi kodza gu thavelela nethu vale va guromo gusanisekani khu guthaveledwa gogu hi gu manago ga Nungungulu.

1 Vatesalonika 4:18

Khu kharato, tangadzisanani moyo ni moyo khu mahungu yaya.