Isaya 4:5 - Bhibhiliya Nya Guage

⁵ Pfhumu Nungungulu a na gira lipfhi a fenengedza vbatshani nya gigomo gya Siyoni ni umo va tshanganelago umo vathu, a na gu fenengedza khu lipfhi mihani yile, vbawutshigutunu, gu tuviga wutshi ni gungangamela nya nilo; kholu gungangamela ga Pfhumu gu na gu fenengedza khu maphuvbo yatshavbo.

Isaya 4:5 Iomraidhean Croise

Nehemiya 9:12

Vbamihanitunu, uwe U di va thangela, khu mwedzi nya lipfhi, vbawutshigutunu U va thangela khu mwenge nya nilo, gasi gu wenengedza ndzila va yelago gugimbila khiyo.

Dzindzimo 105:39

Mihani a di ladza lipfhi gasi gu va fenengedza, a vasa nilo gasi gu va wenengedza wutshigu.

Dzindzimo 111:1

Aleluya! Dhumisani Pfhumu Nungungulu! Nyi na rungudza Pfhumu Nungungulu khu monyo wangu watshavbo, vbakari nya tshangano wa va nya gululama.

Dzindzimo 78:14

Gikhati nya mihani a di va gimbidzisa khu lipfhi; wutshiguwule a di va gimbidzisa khu nilo.

Dzindzimo 85:9

Guvbanyisa gwaye gomo vbafuvbi ga vale va mu thavago gasi wudhumo wu vbaha tigoni gwathu.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Ekisodha 14:24

Khu mambagugya, Pfhumu Nungungulu khu ndrani nya nilo ni lipfhi, a di wona dzinyimbi dza Vagipiti a gu wusa pfilupfilu vbakari gwawe.

Ekisodha 24:16

Khavbo avbo, wudhumo wa Pfhumu Nungungulu wu di ngangamela vbatshani nya gigomo gya Sinayi, lipfhi li di fenengedza gigomo livbandre na limwedo matshigu. Khu litshigu nya livbandre na mavili Pfhumu Nungungulu a di rana Mosi khu ndrani nya lipfhi.

Ekisodha 26:1

“U na emisa Tshatsha nya guage, khu likhumi malawu nya gulugwe khu wuluva nya wumburi ni mwendra nya livala la damboni, nya guthedwe nyiwa nya guhambanelane, nya guvbyuge, nya giwunguwungu. U ma mburisela khu gu lugela sifananiso nya dzikerubhimi.”

Ekisodha 26:7

U na gira malawu nya mawoya nya dziphongo, gasi gu pfhulela khayo wulanga nya guage. U na gira likhumi na limwedo malawu.

Isaya 32:18

Vathu vangu va na vbanya wulanga nya gurule, malangani nya gukhadzisege gwadi, khu gurula ni gutangala,

Isaya 33:20

Wonani Siyoni, lidhoropa hi girelago umo mibuzo yathu; maho yago ma na wona Jerusalema, wulanga nya gutenge, tshatsha wu na gumba sigudwa, madingo yaye gima kha ma na nga sigudwa, ambari ni dzingodzi dzaye gima kha dzi na kaviga.

Isaya 37:35

Kholu Eni nyi na vhikela lidhoropa leli, gasi gu li vbulugisa, khu kotani nya lina langu, ni lihaladzo nyi gu nalo khu githumi gyangu Dhavhidhe.

Isaya 46:13

Nyi ngu resa gululama gwangu, gambe gu mwalo hwindzo; ni guvbanyisa gwangu kha gu na hwela. Nyi na vega guvbanyisa gigomoni ga Siyoni, ni tigoni ga Israyeli, nyi na wusedza wudhumo wangu.

Isaya 60:1

Jerusalema, khuga u ema u ngangamela, kholu, wenengedzo wago wu vbohide! Wudhumo wa Pfhumu Nungungulu wu ngu wenengedza vbatshani gwago.

Isaya 60:2

Wona gidema nya guthise gi fenengedzide litigo ni wutshigu wu fenengedzide mahundzu nya vathu; aholu vbatshani, wu ngu wonega wenengedzo wa Pfhumu Nungungulu, ni wudhumo waye wu ngu ngangamela avbo gwago.

Matewu 18:20

Kholu avbo va manegago vavili mwendro vararu na va tshanganide, khu lina langu, eni nyi na bani nyi romo vbakari gwawe.”

Matewu 28:20

Va hevbudzeni gu landrisa satshavbo iso nyi nga mi hevbudzani. Gasi eni nyi na bani nyiri nanu gikhati gyatshavbo, kala guhegisani nya litigo.”