Isaya 4:4 - Bhibhiliya Nya Guage

⁴ Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 4:4 Iomraidhean Croise

Dzindzimo 51:2

Nyi handze gighoho gyangu nyi agise ga giwono gyangu.

Gizimba 3:11

Enu vanyamahegyane va Siyoni, dugani! Deluni mu ta wona mufumeli Solomoni! Uye ambade gihugu nya wufumu, gihugu nya wufumu a ambagisidwego khu mayi waye khu litshigu nya dzegano waye, litshigu monyo waye wu tsakidego ngudzu.

Isaya 1:15

Avbo mu khusedzago mandza yanu mu lombelela, eni nya gu siha khovbe yangu; ambari mwa gu engedzela milombelo yanu, eni kha nyi na mi yingisa, kholu mandza yanu ma tade khu novba.

Isaya 1:25

Nyi na gu wugela nyi gu veta khu mandza yangu, nyi na gu agisa u vbelela, nyi gu guha kha nga gikete nya gupfhurele, gi nyiviligago khu nilo. Ndzilo mu gu nayo, nyi na yi dusa yatshavbo.

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Isaya 28:6

A na khala liphuvbo nya gululame ga vale va khalago miphathani gasi gu lamula mahungu, ni tshivba ga vale va gu na ni wundrena nya gu tutumise valala kala dzinyangwani gwawe.

Isaya 9:19

Khu kotani nya likhulo la Pfhumu Nungungulu nya Tshivba Yatshavbo, litigo li dagarede, ni vathu va gu gira gukhwatshi dzikhuni dzi vbyago niloni, mwalo a tsetsago ndriyaye.

Isaya 9:5

Kholu silato satshavbo masotshwa ma nga bani ma hongola khiso nyimbitunu, ni guambala gwatshavbo gu naganidego khu novba, si na vbiswa, si na khala nga dzikhuni niloni.

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Ezekiyeli 22:15

Nyi na gu phalalegisa vbakari nya mayigo, nyi gu legalegisa vbakari nya mambe mayigo, nyi na vbedza manyala yago yatshavbo.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 36:29

Nyi na mi vbulugisa guvivbani gwanu gwatshavbo; nyi na mu resela tirigu, gambe nyi na yi andrisa, kha nyi na mu resela gambe ndzala.

Joyele 3:21

Nyi na agisa novba wa avo nyi nga bani nyi si gu va agisi, kholu Pfhumu Nungungulu a na khala dhoropani ga Siyoni.

Sofoniya 3:1

Libango ga lidhoropa nya wuwugeli, nya gutale khu manyala ni dzihanyi!

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”