Isaya 4:2 - Bhibhiliya Nya Guage

² Khu litshigu lile, lithungedwa la Pfhumu Nungungulu li na tala khu wumburi ni wuzundzo; mihandro nya mafu, yi na bani yiri matshandza ga va na Israyeli va na vbulugago.

Isaya 4:2 Iomraidhean Croise

Dzindzimo 67:6

Mafu ma velegide mihandro yaye, Nungungulu, Nungungulu wathu a ngu hi kategisa!

Dzindzimo 72:16

Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Ekisodha 28:2

U na girela ndriyago Aroni dzingandzu nya miphaso gasi gu mu ninga wuzundzo ni wumburi.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 26:1

Khu litshigu lolo, gu na embeledwa ndzimo yeyi tigoni gwa Judha, khavo: Hi na ni lidhoropa li tiyidego ngudzu, Nungungulu a na emisa guvbanyisa gu khala likhokhola ni libhiyo.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Isaya 53:2

Kholu githumi gyangu gi di dandra mbeli ga Pfhumu Nungungulu kha nga litamo li thungago, mwendro kha nga khamba mafuni nya gihala; a diri mwalo giemo nya gutsakise mwendro wumburi.

Isaya 60:15

Ambari u nga bani u digidwe ni gu nyenywa, avbo nya gu, ni moyo a si vbindri khavbo gwago, aholu eni nyi na gu vbindrugedza u khala wuzundzo ni gunengela ga mimelana yatshavbo yi nga gutago.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Jeremiya 23:5

Pfhumu Nungungulu a ngu ganela, khuye: “Wonani, ma nguta matshigu nyi na bugiselago Dhavhidhe pfhundre nya gululame; uye a na khala mufumeli, a na fumelago khu wugengeli ni guti, gambe a na lamula vathu khu nongameto.”

Jeremiya 33:15

Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Jeremiya 44:14

Avbo nya gu, mwalo na moyo nya mitshaledwa ya na Judha a na vbulugago nya avo va na guya vbanyago tigoni ga Egipito kha nga valuveli; mwalo ni moyo a na gu wuyago tigoni gwawe ga Judha, ambari a nga bani ari gu suva gwawe; va na wuya basi vadugwana va na gu vbulugago.”

Jeremiya 44:28

Vadugwana ngudzu avo va na gu vbulugago gu sasedwa khu matshari va wuya tigoni gwawe Judhiya; avo va na vbulugago nya va na Judha va nga bani va khade valuveli tigoni ga Egipito, va na dziti nya gukhavo magana ya mani ma tiyidego: Ayo yangu, mwendro yawe.

Ezekiyeli 34:29

Nyi na dzi ninga marembwe nya gunone, gima kha dzi na mbembiswa khu ndzala tigoni, ambari gu khala gihegiso ga va nya mayigo.

Ezekiyeli 36:8

Aholu, enu sigomo sa Israyeli, mu na gira matamo mu velega mihandro mu yi ningelaga vathu vangu va na Israyeli, kholu avo vomo vbafuvbi ni gu wuya gaya.

Ezekiyeli 7:16

Vatshavbo va na vbulugago gufa va na tutumela sigomoni na va gu lila kha nga sipomba si guromo kovani, moyo ni moyo a lila khu kota nya sighoho saye.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Obhadhiya 1:17

Aholu gigomoni gya Siyoni va na manega avo va nga vbulugago; va na bani va kategide; lihundzu la Jakobe, li na fuma dzithomba dzawe.

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Zakariya 6:12

Mu embele, khuwe: Pfhumu Nungungulu nya Tshivba Yatshavbo a ngu ganela kharati, khuye: Avba womo mwama, lina laye a gu uye lithungedwa, uye a na bugedza nyaluphye khu wulangani gwaye, a na vbahedza Nyumba ya Pfhumu Nungungulu.

Zakariya 9:17

Kholu wudhumo wawe wu na bani wuri wukhongolo ngudzu! Ni gumbura gwawe gu na bani guri gukhongolo ngudzu! Tirigu ni wuuvha nya dosi si na dandrisa madzaha ni dzimbiri.

Malakiya 3:17

Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.”

Matewu 24:22

Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Johane 1:14

Lito li di dzi gira muthu, li gu vbanya vbakari gwathu. Ethu hi wonide gidhumo gyaye, gidhumo li nga ningwago khu Babe waye, kha nga Mwamana wa moyo nya gutale khu wuhigo ni lisine.

2 Vakorinto 4:6

Kholu Nungungulu ganede, khuye: Khu mugidemani gu na manega guwonegela, khuye gambe a nga gira guwonegela myonyoni gwathu, gasi hi tivise wudhumo wa Nungungulu wu ngangamelago khovbeni ga Jesu Kristo.

2 Pedro 1:16

Kholu ethu gima kha ha mi hevbudzani silo nya gu si luge, gikhati hi nga mi tivisani Mahungu nya Yadi nya gute ga Pfhumu yathu Jesu Kristo nya gungangamele, nya gutale khu tshivba; kholu ethu hi wonide wugulu waye khu maho yathu.