Isaya 4:1 - Bhibhiliya Nya Guage

¹ Litshigu lolo, livbandre na vavili vanyamayi, va na ya namarela ga mwama moyo va ganela, khavo: “Ethu hi na dzi vbwetela habune guhodza, hi dzi rengela habune guambala, wa nga hi diga basi hi ranwa gupwani hi vagadzi vago; hi duse dzitshoni hi gu nadzo.”

Isaya 4:1 Iomraidhean Croise

Genesi 30:23

A di khura mimba a gu velega gyanana nya gikhwathana. Rakeli a di ganela, khuye: “Nungungulu a nyi tshude dzitshoni dzangu.”

2 Samuweli 6:23

Khu guralo, Mikali, nyamahegyane wa Sawule, kha nga velega sanana kala gufani gwaye.

Isaya 10:20

Khu litshigu lolo, mitshaledwa ya Israyeli, ni avo va vbulugidego va nyumbani ga Jakobe, gima kha va na namarela gambe ga wule a va bayisidego, aholu, va na namarela ga Pfhumu Nungungulu, nya Guage wa Israyeli.

Isaya 13:12

Nyi na gira vathu va kala guvbindra ndralama nya guhutwe, va na hamugega guvbindra ndralama ya Ofiri.

Isaya 17:7

Khu litshigu lolo, muthu a na khedza Muvangi waye, maho yaye ma na khedza Nyaguage wa Israyeli.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 3:6

A na manega uye a na guyago ga ndriyaye, ga moyo wa nyumbani ga babe waye, aya, khuye: “Uwe u na ni guambala, khala muthangeli wathu, marumbi yaya ma na manege mandzani gwago!”

Isaya 54:4

U nga khali hwanga, kholu khu na nga theswa dzitshoni; u nga vbisegi, kholu mwalo a na gu poyilago; u na divaledwa khu dzitshoni u dzi manidego wumbirini gwago, gambe khu na alakanya givalo u gi manidego khu gu fedwa khu mwama wago.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Luka 1:25

A di ganela, khuye: “Khu gudzina gwaye Pfhumu a nyi girede silo sesi, gasi gu nyi tshula dzitshoni muvathuni.”

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

2 Vatesalonika 3:12

Vathu vovo, hi ngu va khongotela ni gu va laya khu lina la Pfhumu yathu Jesu Kristo, gukhethu va na thume khu gurula, va hodze guhodza nya lithonga lawe.

1 Samuweli 1:6

Gu diga nya isoso, kwawe Penina a di mu tsorodzela ngudzu, na gu mu tshanisa, khu kotani Pfhumu Nungungulu a nga mu gira gyumba.