Isaya 38:3 - Bhibhiliya Nya Guage

³ a ganela, khuye: “Dundruga Pfhumu Nungungulu, idzo nyi vbanyidego khidzo khu gutumbega ni monyo wu agidego, ni gu thuma mithumo nya gululame mbeli gwago.” Ezekhiya a di lila khu wuvi waye watshavbo.

Isaya 38:3 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 6:9

Aya khu matimo ya Nowa. Matshiguni gwaye, Nowa a diri uye basi muthu nya lisine nya gululame mafuni, a di gu landrisa gugola ga Nungungulu gikhati gyatshavbo.

1 Dzipfhumu 15:14

Ambari a ngamba fuvisa miphaselo ya musigomoni, Asa a diri ni monyo wu lulamidego mbeli ga Pfhumu Nungungulu, matshigu yatshavbo nya guvbanye gwaye.

1 Dzipfhumu 2:4

Khu kharato,Pfhumu Nungungulu a na tadzisa magana a ganedego avbo gwangu, khuye: Sanana sago, sa gu vegedza dzindzila dzawe, va gimbila khu ndzila nya gululame mbeli gwangu, khu monyo wawe watshavbo ni hefemulo wawe watshavbo, gima kha gu na hamugega muthu wa nyumbani gwago, nya gute khale vbagikhalotunu gwangu nya wufumu wa na Israyeli.

2 Dzipfhumu 18:3

A di thuma mithumo nya gululame mahoni ga Pfhumu Nungungulu, kha nga satshavbo a nga girago babe waye Dhavhidhe.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:19

Mwamana wangu Solomoni, mu ninge monyo wu vbeledego gasi a kodze gu sayisa milayo yago, magana ni sileletelo sago, a gira satshavbo gasi a kodza gu vbaha nyumba yeyi yago nyi yi dongisedego.

1 Dzikoronika 29:9

Vathu va di nengela khesi va nga ningela khu gugola gwawe; kholu va di ningela miningelo yawe ga Pfhumu Nungungulu khu matsenya; mufumeli Dhavhidhe nuye a di nengela khu litsako nya likhongolo.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 25:2

Uye giride ugo gu gu gwadi mbeli ga Pfhumu Nungungulu, aholu kha nga dzi ningela khu monyo waye watshavbo.

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Nehemiya 1:4

Na nyi pwide magana yaya, nyi di khala vbavbatshi nyi lila nyi vbedza matshigu nya gutale na nyi guhala nyi si hodzi gilo, na nyi gu lombelela ga Nungungulu wa ndzadzini.

Nehemiya 13:14

Khu guralo, Nungungulu Wangu, U nga nyi divali, dundruga silo nya sadi nyi gu giredego nyumbani Gwago gumogo ni thumo wago.

Nehemiya 13:22

Nyi leletede gambe va na Levhi gukheni va dzi agise, vata ghadha malimba, gasi va agisa litshigu nya Sabhadho. Khu esi gambe, Pfhumu Nungungulu wangu, nyi alakanye; U nyi tsetselela khu kotani nya wuhindzi wago nyamba vbela.

Nehemiya 13:31

gasi va sayisa miningelo nya dzikhuni nya guvbise khidzo miphaso ni dzimbewu nya guphele guvbwerwa mahangeni khu dzinango dzi vegisidwego. Nyi alakanye, Nungungulu wangu, ni gu nyi girela wuwadi.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Dzindzimo 101:2

Nya gu vbweta gu landra ndzila nya gululame; lini u natago avbo gwangu? Ndrangani gwangu nyi na vbanya khu mavbanyelo nya gululame.

Dzindzimo 102:9

Wulangani nya gibaba, nya gu hodza nguma ni gusela gwangu gwa gu patana ni marongo yangu,

Dzindzimo 119:80

Monyo wangu wu na vbelele khu gu landrisa sileletelo sago, gasi nyi si thedwi dzitshoni. Caf

Dzindzimo 16:8

Gikhati gyatshavbo nya gu vega Pfhumu Nungungulu mbeli gwangu, khu guralo, uye khade nyamudye gwangu, gima kha nyi na thava gilo.

Dzindzimo 26:3

mahoni gwangu nya gu wona lihaladzo lago, nyi ngu gimbila lisineni gwago.

Dzindzimo 32:2

Kategide muthu wule, a si wonwigo nari ni nandru khu Pfhumu Nungungulu; wule a gu mwalo mahingigedzo nya wukanganyisi.

Dzindzimo 6:6

Nyi vbede tshivba khu gu lila, marongo yangu ma gu goga wutshigu watshavbo nyi naganisa lidawu langu ni gikhuledzo.

Dzindzimo 6:8

Ndreyani mbeli gwangu, mwatshavbo mu girago guvivba kholu Pfhumu Nungungulu pwide huwa nya gulile gwangu.

Isaya 38:2

Khavbo avbo, Ezekhiya a di thendregedza a khighela ndzari a lomba ga Pfhumu Nungungulu,

Isaya 38:4

Khavbo avbo, magana ya Pfhumu Nungungulu, ma dita ga Isaya, a ta mu embela, khuye:

Hoseya 12:4

Dwanide ni ngilozi kala a yi pala; lide a lomba gu kategiswa. Tshanganide ni Nungungulu dhoropani ga Bheteli, avbo a nga ganelago naye.

Johane 1:47

Jesu, na wonide Natanayeli na gu hidzimela, a di khuye: “Oyu khuye a gu wa na Israyeli nya guvbelele, gwaye wu mwalo wukanganyisi.”

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Dhewuteronome 6:18

U na thuma ugo nya gwadi gu lulamidego mahoni ga Pfhumu Nungungulu, gasi si gu dugele gwadi, u bela u fumela litigo nya ladi eli Pfhumu Nungungulu, khu gusambanya a tumbisidego gu ninga ga vababe vago,

Vahebheru 5:7

Matshigu a nga vbanya mafuni, Jesu a di gira milombelo khu gugaradzega ni gu lila ga Nungungulu a gu ni tshivba nya gu mu vbulugise gufani. Milombelo yaye yi di hakhwa, kholu a diri muthu nya gukhathalele Nungungulu.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.