Isaya 37:3 - Bhibhiliya Nya Guage

³ Va ya mu embela, khavo: Ezekhiya a ngu ganela kharati, khuye: Litshigu la muhuno litshigu nya wuvi, nya tshanisa ni givalo; kholu ha gu fanana ni sanana si guromo vbafuvbi ni gu velegwa, aholu muvelegi wakone na vbede tshivba nya gu si velege.

Isaya 37:3 Iomraidhean Croise

2 Dzipfhumu 19:3

Vaya mu embela kharati, khavo: “Ezekhiya a ngu ganela, khuye: Litshigu leli, litshigu nya wuvi, nya gukawukwe ni dzitshoni; kholu sanana si ngu vbweta gu duga khu ndrani, aholu tshivba nya guvelege yi mwalo.

2 Dzikoronika 15:4

Aholu gikhati va nga bani vari vbakari nya wuvi va di wuya ga Pfhumu Nungungulu wa na Israyeli, ni gu mu vbweta, avo va di mu mana.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Dzindzimo 95:8

mu nga bangisi myonyo yanu, kha nga edzi va nga gira vababe vanu tigoni gwa Meribha litshigu lile nya masaha giwulani.

Isaya 22:5

Kholu Pfhumu, Pfhumu Nungungulu nya Tshivba Yatshavbo, a hi resede litshigu nya ghudzeghudze, tshanisa ni sigaradzo kovani nya Giwoniso; mabhiyo nya lidhoropa ma pfhungumudwe, dzihuwa dza vavbanyi vaye dza gupwala kala sigomoni.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Isaya 33:2

Pfhumu Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Isaya 66:7

Lidhoropa la Siyoni, li na fanana ni nyamayi a nga velega na si gu lumwi; a nga hefemula gikhwathana nyamba pwa wuvi.

Isaya 66:9

Pfhumu Nungungulu a ngu wudzisa, khuye: “Ina Eni nyi sayisago nyamayi gikhati nya gudandrise mimba yaye nyi na padwa khu gu mu ninga tshivba nya guvelege, gani? Eni nyi hefemudzisago nyi nga dzi kodza gu sega givelegelo, gani? A ngu ganela Nungungulu wago.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Hoseya 13:13

A na vbohedwa khu wuvi nya nga wa nyamayi a lumwago, kholu uye gyanana nyamba yingisa, gya gu vboha gikhati, kha dugi khu rumbuni a nga sihalago umo.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 5:9

Litshigu nya tsayiso, Efrayimi a na khungumudwa. Vbakari nya mahundzu ya va na Israyeli, nyi yeyedzide iso si na giregago.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.