Isaya 37:2 - Bhibhiliya Nya Guage

² Khavbo avbo, mufumeli a di rumela Eliyakimi, muwoneleli wa nyumbani nya wufumu, ni Sebina, mulovi nya mahungu, ni madhota ya vaphasi nya mhamba, vatshavbo na va ambade dzisaku ni sikutitshalu, va hongola ga muprofeti Isaya, mwamana wa Amosi.

Isaya 37:2 Iomraidhean Croise

2 Dzipfhumu 18:18

Avbo va nga ranago mufumeli, a di duga Eliyakimi, mwamana wa Hilikiya, muthangeli nya nyimbi ya mufumeli, mulovi Sebhina ni Jowa, mwamana wa Asafi, musayisi nya mabhuku nya matimo.

2 Dzipfhumu 19:2

Khavbo avbo, a di rumela Eliyakimi, ndruna ya nyumbani ga mufumeli, ni mulovi Sebhina, ni madhota ya vaphasi nya mhamba na va ambade silendra, ga muprofeti Isaya, mwamana wa Amosi.

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

Isaya 1:1

Giwoniso gya Isaya, mwamana wa Amosi, a gi wonidego khu kotani ya Judha ni Jerusalema, matshiguni ya Uziya, Jotamo; Akazi; ni Ezekhiya; vafumeli va Judha.

Isaya 20:2

khu gikhati gyogyo gya gimwegyo, Pfhumu Nungungulu a di ganela khavbo ga Isaya, mwamana wa Amosi, khuye: “Indra, u ya tshula mwendra wu guromo giwununi gwago u dusani silato sa migondroni gwago.” Uye a di gira kharato, a duga a gimbila wumbwiri ni gumba ambala silato.

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 22:15

Pfhumu Nungungulu nya Tshivba Yatshavbo a ngu ganela kharati, khuye: Khuga uya embela Sebina, musayisi yoyo nya dzithomba, uye a sayisago nyumbani nya wufumu, u mu wudzisa, khuwe:

Isaya 22:20

Khu litshigu lolo, nyi na rana githumi gyangu Eliyakimi, mwamana wa Hilikiya.

Isaya 36:3

Khavbo avbo, Eliyakimi, mwamana wa Hilikiya, musayisi nya nyumba nya wufumu, ni mulovi Sebina, ni Jowa, mwamana wa Asafi, mulovi nya matimo.

Isaya 37:14

Avbo Ezekhiya, a nga hakhago lidangalila khu mandzani ga sirumwa a li hevbula, a di gwela Nyumbani ga Pfhumu Nungungulu; aya li thawuludza mbeli ga Pfhumu Nungungulu.

Isaya 37:21

Khavbo avbo, Isaya, mwamana wa Amosi, a di rumela guya embela Ezekhiya, khuye: Pfhumu Nungungulu wa Israyeli, a ngu ganela kharati, khuye: Mayelano khu iso u nyi lombidego khu mahungu ya Senakeribhi mufumeli wa Asiriya,

Isaya 38:1

Khu matshigu yale, a di dwala Ezekhiya khu madwali nya guhadze gufa; muprofeti Isaya, mwamana wa Amosi, a di ya mu wusela a mu embela, khuye: “Pfhumu Nungungulu a ngu ganela kharati, khuye: Lulamisela gwadi mahungu nya nyumba yago, kholu u nafa khu na vbanya gambe.”

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.