Isaya 34:2 - Bhibhiliya Nya Guage

² Kholu Pfhumu Nungungulu a gorogede mayigo yatshavbo; ni likhulo laye lomo vbatshani nya mabutho yawe; uye a ma ningede ma songetedwa ni gu mbembisedwa muphelo.

Isaya 34:2 Iomraidhean Croise

Dzindzimo 2:5

A na va embela na tade khu likhulo, a va thela hwanga khu likhulo laye, khuye:

Ekisodha 8:14

Va di va wungedzela kha nga matala nya makhongolo, tigoni gu di nunga.

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 13:5

Va guta khu mayigoni ya hwindzo nya mahegiso nya lidambo. Khu Pfhumu Nungungulu ni matshari nya likhulo laye, a tago guta sasela litigo latshavbo.

Isaya 13:6

Wombani huwa khu guvbisega, kholu Litshigu la Pfhumu Nungungulu li vbohide; la guta khiyo ga uye nya Tshivba Yatshavbo gasi guta mbembisa.

Isaya 26:20

Vathu vangu, Indrani, belani dzinyumbani gwanu mu dzi segela malimba, mu sihala umo gikhatinyana kala li bose likhulo laye.

Isaya 30:25

Khu litshigu lolo nya gusasedwe nya gukhongolo ga valala, gu na manega vbatshani nya sigomo satshavbo nya gulaphe mitsongo ni sitsongwana nya mati khulungago, avbo gu na gu thegago makhokhola.

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Isaya 66:14

Avbo mu na wonago silo sesi si na gu girega, myonyo yanu yi na tsaka, ni marambo ma na nyuga nga mwasi nya nyenvu; kholu tshivba ya Pfhumu Nungungulu, yi na dzi wonegisa ga sithumi saye, aholu likhulo laye li na wugela valala vaye.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Jeremiya 25:31

Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”

Jeremiya 25:32

Pfhumu Nungungulu nya Tshivba Yatshavbo, a ngu ganela kharati, khuye: Wonani libango leli li na thaphela khu litigo ni litigo, khu mahegiso nya litigo, gu na duga gingulu nya guthise.

Jeremiya 25:33

Khu matshigu yoyo, sirumbi nya vathu va na ningedwago khu Pfhumu Nungungulu guveni va songwa, si na mbambamela gukhugela mahegiso kala mahegiso nya litigo; mwalo a na gu va dzingago ni gu va lila, si na tadza mafu kha nga mavivi.

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Varoma 1:18

Nungungulu a ngu wonegisa khu Ndzadzini likhulo laye nya likhongolo, gasi gu tsayisa guyeyisa ni guvivba gu girwago khu vathu nya sighohi, khu mavbanyelo yawe nya guvivbe ma segelago vathu guti lisine laye.

Josuwa 11:20

Kholu Pfhumu Nungungulu a di bangisa myonyo yawe a va gira va dwanisa Israyeli, gasi va kodze gu mbembisedwa muphelo nyamba pwedwa gisiro; gasi va fuviswa, kha nga idzo Pfhumu Nungungulu a nga leletisa khidzo Mosi.

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 20:9

Va di tadza litigo latshavbo va dzuwulugela lizumbo la va nya gukatega ni lidhoropa nya gugolege. Aholu wu di tshiga nilo khu ndzadzini wuta vbedza vatshavbo.