Isaya 34:1 - Bhibhiliya Nya Guage

¹ Hidzimelani enu mayigo, gasi mu yingise, ni enu vathu yingisani! Mafu ni satshavbo si guromo umo si na yingise, litigo ni satshavbo si dugelago umo.

Isaya 34:1 Iomraidhean Croise

Genesi 6:13

Nungungulu a di embela Nowa, khuye: “Nyi fungide gu vbedza vathu vatshavbo, kholu litigo li tade khu guvivba khu kotani yawe. Nyi na va mbembisa gumogo ni mafu.”

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Dzindzimo 50:1

Pfhumu Nungungulu nya Tshivba Yatshavbo, ganede, a ramba vathu gukhugela Khugadambo kala Pfoladambo.

Dzindzimo 96:10

Ganelani vbakari nya mayigo, khenu: “Pfhumu Nungungulu a ngu fuma.” A ngu tiyisa litigo, ilo kha li khuyugi, a ngu lamula mayigo khu gululama.

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 33:13

Enu mu vbanyago mayigoni ya hwindzo, tulani dzindzeve mupwe esi nyi giridego; ni enu mu guromo vbafuvbi, yitini tshivba yangu.”

Isaya 41:1

Degulani mbeli gwangu, enu vathu mu vbanyago sidwani. Enu mayigo, wusedzani tshivba yanu! Hidzimelani vbafuvbi gasi mu ganela; hatshavbothu hi naya ema phathani.

Isaya 43:9

Mayigo yatshavbo ma na tombane dangamwedo, vathu vatshavbo va tshangane, khu mani vbakari gwawe a kodzago gu huwelela esi, mwendro gu hi pwadzela esi si giregidego gale, na? Bikelani dzifakazi dzaye dzi ta mu fakazela, gasi ha gu sipwa hi kodza gu ganela, khethu: “Ina lisine!”

Isaya 48:16

Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Isaya 49:1

Nyi yingiseni enu mayigo ya sidwani, ni enu vathu va mayigo ya hwindzo! Pfhumu Nungungulu a nyi ranide, nyi ngari ndrani ga mayi wangu, a nyi riyide lina nyi si guvelegwi.

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Jeremiya 22:29

Uwe litigo, litigo, litigo langu! Yingisa lito la Pfhumu Nungungulu.

Jeremiya 49:7

Khu kotani ga Edhomi. Pfhumu Nungungulu nya Tshivba Yatshavbo, a ngu ganela kharati, khuye: “Ina kamwe, gu mwalo gambe guti tigoni ga Temani, gani? Ina va nya mapimo kha va nga gu ninga gambe wusingalagadzi, gani? Guti gwawe gu fuvide, gani?

Ezekiyeli 38:17

Mune Pfhumu Nungungulu, a ngu ganela kharati, khuye: Ina khandri uwe nyi ganedego khuwe ga matshigu ma vbindridego, khu kanani ga sithumi sangu, vaprofeti va Israyeli, gani? Gukhugela myaga yi vbindridego vaprofetide, gukhavo eni nyi na gu rumela guya dhumela Israyeli.

Obhadhiya 1:1

Giwoniso gya Obhadhiya. Pfhumu Nungungulu a ngu ganela kharati khu kotani ya Edhomi, khuye: “Hi pwide magana ya Pfhumu Nungungulu ni moyo nya girumwa a rumedwego ga mayigo ya vbavbandze, a ganela, khuye: Khugani mu eme! Hongoleni hi wugela Edhomi hi ya mu sasela.

1 Vakorinto 10:26

kholu litigo ni silo satshavbo sa tigoni sa gu lumba Pfhumu.

Dhewuteronome 32:1

Upwani ndzadzini, kholu nya gu vbweta gu ganela; Wpwa uwe litigo, magana ya kanani gwangu.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.

Gutuledwa 2:7

“Wule a gu ni dzindzeve a na pwisise esi Liphuvbo li embelago mabandla. Ga wule a na palago, nyi na mu dzumedzisa gu hodza handro nya simbo nya womi wu guromo thembweni ga Nungungulu.”

Valamuli 5:3

Enu vafumeli yingisani! Upwani enu vamwamangulu! Nyi na dhumisa Pfhumu Nungungulu khu gu embelela, nyi na embelela ga Pfhumu Nungungulu wa Israyeli.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”