Isaya 33:3 - Bhibhiliya Nya Guage

³ Va gupwa gudzuma nya lito lago, va nya mayigo va na tutuma; gikhati u khusegago, mayigo ma na phalalega.

Isaya 33:3 Iomraidhean Croise

Dzindzimo 46:6

Ma di thuruga mayigo, gu ndrendremela mifumo; Nungungulu a di pwadza lito laye, litigo li tsekatseka.

Dzindzimo 59:11

Uwe Pfhumu u nga vbedzi valala vangu khu gu va songa, aholu va vbedze tshivba va pepetega ni mayigo, gasi vathu va na gyathu va si divali guvivba gwawe.

Dzindzimo 68:2

Uwe wa gu va phalalegisa kha nga wutshi; wu mwalalegago ndrengelengeni. Va nya guvivba va gu mbemba mbeli gwago va nyiviliga kha nga mafura vbanilotunu.

Isaya 21:15

Kholu avo va gu thava matshari, wulaho wu ghwimbidwego ni nyimbi nya guthise.

Isaya 33:4

Khu guralo, silo sanu mu phangidego, si na wungedzedwa kha nga idzo yi wungedzedwago khidzo mbasa; kha nga dzimbera dzi ndragandragago, kharato nugo, vathu va na ndragandraga navo.

Jeremiya 25:30

Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Jeremiya 25:31

Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”