Isaya 33:2 - Bhibhiliya Nya Guage

² Pfhumu Nungungulu, hi pwele wusiwana, kholu ethu ha gu tumba uwe! Khala uwe tshivba yathu khu litshigu ni litshigu li gyago, ni muvbanyisi wathu gikhatini nya mhango.

Isaya 33:2 Iomraidhean Croise

Dzindzimo 123:2

Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

Dzindzimo 143:8

Nyi nonedze lihaladzo lago gukhugela vbadzimindrutunu, kholu eni nyi tumbide uwe; hefemulo wangu nyi ngu wu yisa iyo gwago, nyi nonedze ndzila nyi yelago gubela khiyo.

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 33:22

Pfhumu Nungungulu, wuhindzi wago wu na khale vbatshani gwathu, kha nga hi tumbago uwe.

Dzindzimo 37:39

Aholu guvbanya gwa va nya gululama gwa guta khu ga Pfhumu Nungungulu, a va ningago tshivba gikhati nya sigaradzo.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 60:11

Hi phase u hi dwanela ga valala vathu, kholu tshivba nya vathu va mafuni kha yi hi phasi ni gu hi vbulugisa.

Dzindzimo 62:1

Hefemulo wangu wa gu mana gurula ga Nungungulu basi; guvbanyiswa gwangu gwa guta khiyo gwaye.

Dzindzimo 62:5

Hefemulo wangu wa gu khevisela Nungungulu basi, kholu gutumba gwangu gwa guta khavbo gwaye.

Dzindzimo 62:8

Enu vathu tumbani Nungungulu gikhati gyatshavbo; mu embeledzeleni mabala ya monyoni gwangu, kholu, uye khuye wuthavelo wathu.

Dzindzimo 90:15

Hi ninge gutsaka nya guningane ni myaga yeyi hi wonidego sitshaniso.

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Ekisodha 14:27

Khavbo avbo, Mosi a di khusa mandza a veta yiphwa. Na wu khuga wuronga nya guge, mati ya phwani ma di wuya wulanga waye. Vagipiti khavo va gu ma thava, gasi ulo avo va gu ma khinga. Pfhumu Nungungulu a di mbembisa Vagipiti vbakari nya yiphwa.

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 25:9

Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye Pfhumu Nungungulu, oyu hi mu viredego, hi na tsake hi nengele khu guvbanyisa gwaye!”

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 26:8

Hi ngu lirela gulamula gwago Pfhumu Nungungulu. Gusuva gwathu nya gukhongolo, khu gu alakanya lina lago.

Isaya 37:3

Va ya mu embela, khavo: Ezekhiya a ngu ganela kharati, khuye: Litshigu la muhuno litshigu nya wuvi, nya tshanisa ni givalo; kholu ha gu fanana ni sanana si guromo vbafuvbi ni gu velegwa, aholu muvelegi wakone na vbede tshivba nya gu si velege.

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 51:5

Gulamula gwangu gomo vbafuvbi, ni guvbanyisa gwangu gu vbohide, libogo langu li na lamula mayigo; mayigo nya sidwa ma ngu nyi khedzisela ma tumba tshivba yangu.

Isaya 59:16

Pfhumu Nungungulu wonide nya gukhuye mwalo ni moyo nya guphase kwawe. A di samala khu gu wona gukhuye mwalo a lamulelago vathu; khu guralo, a di hongola uye mune wurumba, aya dwana a va pala, gasi gu yeyedza gukhuye khuye mulamuleli.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Gililo 3:23

Gugya ni gugya a gu li wusedza; gutumbega gwago Pfhumu gukhongolo.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.