Isaya 32:6 - Bhibhiliya Nya Guage

⁶ Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 32:6 Iomraidhean Croise

Dzindzimo 141:4

U nga digi monyo wangu wu dogorela guvivba; nyi nga hengeli ni va nya guvivba mithumoni gwawe, mwendro gu hodza navo mibuzo yawe.

Mavingu 19:3

Wupumbu nya muthu wu ngu ghoha guvbanya gwaye, monyo waye wa gu wugela Pfhumu Nungungulu.

Mavingu 24:7

Gipumbu kha gi maneli avbo gu guromo guti litshigu nya gulamudwe gi na tandrega ni gutula likana.

Isaya 10:2

gasi gu tsulupetela dzifanelo nya sisiwana, va bela sisiwana sa tigoni gwangu, gasi dzinoni dzi khala pfimba wawe, va phanga avo va fedwego khu vavelegi!

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Isaya 31:2

Khu guralo, uye gengede, a na va rumela libango, a gu ganela magana yaye kha bweleli hwane. Uye a na wugela nyumba ya va nya guvivba, ni avo va phasedzelago vathu nya guvivbedwe khu monyo.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Jeremiya 13:23

Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Ezekiyeli 34:18

Ina gilo gi dugwana gu hodzani wuhaviseloni nya wadi, mu bwelo mu gandredzelani khu migondro esi si tshadego nya mahawo, gani? Ina kha si mi tsakisi gu selani mati nya guage, gani? Gu ngu lombega gu ayo ma tshadego mu ma vhilusa khu migondro, gani?

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Amosi 8:6

gasi hi renga sisiwana khu dzitsapawu, ni muhamugi khu patwa nya silato? Hwane nya ugo, hi na rengisa mungu nya tirigu.

Matewu 15:19

Khu monyoni ma ngu duga mahingigedzo nya guvivbe, wughevenga, wubhayi, wuphuphulu, wuvafa, gusingedza ni magana yatshavbo nya guhembulule Nungungulu.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

1 Samuweli 24:13

Kha nga ma ganelago mavingu ya vagale, gukhayo: Khu kanani ga va nya guvivbedwa khu monyo gwa gu duga guvivba; khu guralo, gyandza gyangu gima kha gi na gu kuha.