Isaya 32:2 - Bhibhiliya Nya Guage

² Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 32:2 Iomraidhean Croise

Dzindzimo 143:9

Pfhumu Nungungulu, nyi vbulugise ga valala vangu; kholu eni nyi ngu thavela avbo gwago.

Dzindzimo 32:7

Uwe u wuthavelo wangu; u ngu nyi vbulugisa sigaradzoni, nyi gire nyipwa basi dzindzimo nya gupale.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 16:3

“Hi ninge wusingalagadzi, gira wulamuli wago, gira mutsa wago vbamihanitunu, gukhwatshi vbakari nya wutshigu, siha vale va tutumisidwego, u nga ningeli avo va thavago.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 28:17

Nyi na lamula khu pimo nya gululame, lipimo nya gupime ndzari, ni maralala ma na vbiyela wuthavelo nya malipha, ni wuthavelo wawe wu na taledwa khu mati.

Isaya 41:18

Nyi na tula mitsongo malangani nya sigomo nya gulaphe, nyi pola milambo vbakari nya mikova; nyi na gira giwula gi khala matsiva nya mati, ni mafu nya gihala ma na dusa sifefe nya mati.

Isaya 43:19

Wonani nya gukhenu nyi na gira gilo nya giphya, gi na dugago mu gi wona; ina kha mu si woni, gani? Wonani nya gukhenu nyi tude ndzila giwulani, nyi pola mitsongo mafuni nya gihala.

Isaya 43:20

Sirengo sa khabini si na nyi dhumisa, masolwa ni sifondro nya dzimbowa; kholu nyi na vega mati giwulani ni mitsongo mafuni nya gihala, gasi gu ninga mati va sela vathu vangu, ni ga gihathwa gyangu,

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 33:14

Ma nguta matshigu, a ngu ganela Pfhumu Nungungulu, avbo nyi na gu tadzisago magana nya yadi nyi tumbisidego ga nyumba ya Israyeli ni nyumba ya Judha.

Gililo 4:20

Gihathwa gya Pfhumu Nungungulu uye a gu muvbanyisi wathu, modwe a thegela mavbalani gwawe; uye hi nga bani hi ganela gwaye khethu: “Hi na sihala mutsani nya dzimbapi dzaye, vbakari ga va nya mayigo.” Sini

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Johane 7:37

Khu litshigu nya guhegise, a gu litshigu likhongolo nya buzo, Jesu, na emide, a di khusa lito, khuye: “Uye a gu ni lidora a nate gwangu ata sela!

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.