Isaya 32:18 - Bhibhiliya Nya Guage

¹⁸ Vathu vangu va na vbanya wulanga nya gurule, malangani nya gukhadzisege gwadi, khu gurula ni gutangala,

Isaya 32:18 Iomraidhean Croise

Dzindzimo 107:7

A di va nonedza ndzila nya yadi nya gululame, gasi guya khiyo dhoropani nya guvbanyele umo.

Ekisodha 9:26

Vbavbandze basi ga litigo la Goseni, umo si nga bani si gu vbanya umo sanana sa Israyeli, umomo kha ma manega maralala.

Mavingu 24:15

U nga dembeli muthu nya gululame na khade ndrangani gwaye, kha nga idzo a girago muthu nya guvivbedwe khu monyo, ambari gu sasela ni wulanga waye a hefemulago avbo;

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 2:4

Uye a na khala mulamuli vbakari nya mayigo, ni gu tsayisa mafumbo nya mangi. Matshari yawe ma na vbindrugedza ma khala mavbadza, ni siholoma sawe si khala sivbwero; li mwalo litigo li na gu wugelago litigo li kwawe, ambari vathu kha va na hevbula gu dwana nyimbi.

Isaya 26:12

Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Isaya 26:3

Uwe Pfhumu Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Isaya 28:12

avbo a nga va embela, khuye: “Owu wulanga nya guhefemule, digani a hefemula uye a garadego; owu wulanga nya gupepemele”; aholu avo kha va dzina gu yingisa.

Isaya 30:15

Kholu Mune, Pfhumu Nungungulu, Nyaguage wa Israyeli, a ngu ganela kharati, khuye: “Mwa gu vbindrugedza mu dzi rudzisa mu wuya eno gwangu, mu nata mana guvbanya; tshivba yanu yi di hadza gu mana gutangala ni gitumbo, aholu enu kha mwa dzumela, mu di bomba.”

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Isaya 65:21

Avo va na vbaha dzinyumba, va vbanya umo; va na yala marembwe, gambe va na hodza mihandro yakone.

Isaya 65:9

Nyi na dusa ga situgulwana sa Jakobe ni ga Judha, moyo a na khalago gihodzathomba yangu ya musigomoni; sihathwa sangu si na fumela litigo, sithumi sangu si vbaha umo.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Ezekiyeli 34:28

Olu kha dzi na phangwa gambe khu va nya mayigo, ambari gu hodzwa khu sirengo sa khabini. Dzi na vbanya khu gurula, mwalo a na dzi thusedzelago.

Zakariya 2:5

Aholu Eni, a ngu ganela Pfhumu Nungungulu, nyi na khala kha nga libhiyo nya nilo li va dzundrulugedego, eni mune kamwe nyi na khala wudhumo waye, vbakari gwaye.”

Zakariya 2:8

Kholu Pfhumu Nungungulu nya Tshivba Yatshavbo, a ngu ganela kharati, khuye: Hwane nya gu na nyi rumede ga mayigo ma mu phangidego; kholu wule a mu kuhago a gu kuha ndzololwane nya liso laye.

Zakariya 3:10

Ga litshigu lolo, a ngu ganela Pfhumu Nungungulu nya Tshivba Yatshavbo, moyo ni moyo nya enu a na rana muakelane waye gasi guta khala mutsani nya uvha waye ni mutsani nya nguhu waye.”

Vahebheru 4:9

Khu magirelo yoyo, gu yeyedza gupwani vathu va Nungungulu va si gu beli guhefemulani nya gukhongolo nya nga ogu Nungungulu a gu manego khu litshigu nya livbandre na mavili.

1 Johane 4:16

Ethu nethu hi ngu liti lihaladzo Nungungulu a gu nalo ga ethu, gambe hi ngu khodwa ga lihaladzo lolo. Nungungulu lihaladzo, oyu a vbanyago khu lihaladzo a ngu hengela gu vbanya ni Nungungulu, gambe Nungungulu a ngu vbanya gwaye.