Isaya 32:12 - Bhibhiliya Nya Guage

¹² Nogisani dzithamo dzanu mu lilela marembwe yanu nya gunone ni dzimbewu mu nga bani mu gu fuma.

Isaya 32:12 Iomraidhean Croise

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 24:7

Vbinyu yi ngu lila miuvha nya yiphya yi ngu wu na; ni wadwa wu na kala ngudzu, ava va nga bani va tsaka va ngu lila.

Isaya 32:13

Tigoni ga vathu vangu, gu na buga miba ni sirangalabwa; gumogo gambe ni dzinyumbani gwatshavbo gu nga bani gu tsakwa umo, dhoropani puluwundrago khu gunengela.

Gililo 2:11

Maho yangu guvbisa khu gu lila; hefemulo wangu wa gu garadzega, monyo wangu wu vbede tshivba khu guvbisega, khu gu wona gumbembiswa ga litigo langu, kholu nya gu wona sanana, niso sa beleni si titivalago dzindzilani nya lidhoropa Lamed

Ezekiyeli 20:15

Ambari khu guralo, na vari giwulani, nyi khusedzide mandza nyi sambanya gambe gukheni, kha nyi na nga va yisa ga litigo nyi va ningidego, litigo li gogago mahwe ni wulombe, li mburidego guvbindra mayigo yatshavbo,

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Joyele 1:7

Va sasede marembwe yangu nya miuvha, va kuluwula ngwandzi nya kandzu wangu, va wu dzudzuga vbavbatshi wu tshala nyambana gilo; matamo yaye ma kwalala.

Nahume 2:7

Gu tivisidwe gupwani: Lidhoropa li funungudwe; li vbagedwa li yiswa wugumbitunu, sithumi saye nya vanyamayi si na mu bangaladza na si gu dilela kha nga sipomba, va veta dzikhana dzawe.