Isaya 32:1 - Bhibhiliya Nya Guage

¹ Wonani, gu nata mufumeli a natago a ta fumela khu gululama, dzindruna dzaye, dzi na lamula mahungu khu gululama ni lisine.

Isaya 32:1 Iomraidhean Croise

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

Dzindzimo 45:1

Monyo wangu wu ngu vbalagela khu magana nya gutsakise. Ndzimo yeyi nya gu yi embelela ga Mufumeli; lidimi langu tenga wa mulovi nya gusamadzise.

Dzindzimo 99:4

Uwe u Pfhumu nya tshivba u golago gululama, U tiyiside esi si lulamidego, u ngu lamula sanana sa Jakobe khu nayo ni lisine.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 11:5

Gululama gu na bani guri gutiya gwaye, gutumbega gu na bani guri libhandri la giwununi gwaye.

Isaya 16:5

Khavbo avbo, gu na tiyiswa gikhalo gyago nya wufumu khu wuwadi, gu na khodziswa avbo mulamuli a na lamulago khu gululama ni gutumbega tshatshani wa Dhavhidhe.”

Isaya 28:6

A na khala liphuvbo nya gululame ga vale va khalago miphathani gasi gu lamula mahungu, ni tshivba ga vale va gu na ni wundrena nya gu tutumise valala kala dzinyangwani gwawe.

Isaya 33:5

Pfhumu Nungungulu a khusedzidwe, kholu a gu vbanya vbatshani ngudzu; Uye tadzide Siyoni khu lisine ni gululama.

Isaya 4:6

Gu na manega tshatsha wu na khalago mutsa la gu vbisa lihani, ni gu khala wuthavelo nya gusihale gingulu ni ndzadzi.

Jeremiya 33:14

Ma nguta matshigu, a ngu ganela Pfhumu Nungungulu, avbo nyi na gu tadzisago magana nya yadi nyi tumbisidego ga nyumba ya Israyeli ni nyumba ya Judha.

Jeremiya 33:15

Khu matshigu yoyo ni ga gikhati gyogyo, nyi na bugisa khu ga Dhavhidhe; pfhundre nya wululamo; uye a na lamula litigo khu gululama ni lisine.

Ezekiyeli 37:24

Githumi gyangu Dhavhidhe a na khala mufumeli wawe, vatshavbo va na landrela muhavisi moyo basi, va na landrisa milayo yangu, va na vegedza sileletelo sangu ni gu si landrisa.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

Gutuledwa 17:14

Ava va na wugela Nvutana va yi dwanisa, aholu va na padwa khu Nvutana, kholu khiyo Pfhumu nya dzipfhumu, Mufumeli nya vafumeli. Gumogo Naye, vale va ranidwego, va khodwago, va khalago Naye, va na pala navo.”

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.