Isaya 30:9 - Bhibhiliya Nya Guage

⁹ Kholu vathu vava, khu lisine vathu nya guyeyise; sanana nya malipha, si si vbwetigo gu yingisa nayo wa Pfhumu Nungungulu.

Isaya 30:9 Iomraidhean Croise

2 Dzikoronika 33:10

Pfhumu Nungungulu a di ganela ni Manasi gumogo ni vathu vaye, aholu avo gima kha va nga mu yingisa.

Dzindzimo 78:8

va si giri kha nga vababe vawe, vathu nya guyeyise ni gumba yingela, vathu nya gubange mihungo, nyamba tiya gutumbani gwawe ga Nungungulu wawe.

Dzindzimo 81:12

Khu guralo, nyi di va diga va gira guhaladza gwawe, va landrisela gugola nya myonyo yawe.

Mavingu 28:9

Uye a dzi girago givbwiri a si vbweti gu yingisa nayo, nombelo waye nuwo, wu na nyenyeziswa.

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 28:15

Mu ngu dzi zundza mu ganela, khenu: Mu hungide pwanano ni lufu, ni gukhenu litigo nya vafi pari yathu, ambari tsayiso wu khulunga wu fanana ni talo, gima kha wu na hi vbohela, kholu malipha, wuthavelo wathu, ni wudambane, wulanga nya gusihale avbo.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Isaya 65:2

Litshigu latshavbo nyi khusedzide mandza yangu, gasi gu rana vathu vava nya guyeyise, va gimbilago khu ndzila nya guwegele, va landrisela silo si godwago khu myonyo yawe.

Jeremiya 35:14

Magana ya Jonadhabhi, mwamana wa Rekabhi, a nga leletela sanana saye gu si si seli vbinyu, ma ngu landriswa, kholu kha va seli kala na muhuno. Avo vari khavo gu ngu yela gu yingisa milayo ya nyehe wawe, aholu eni nyi gu bwelebwele gu mi embelani, enu kha mu nyi yingisi.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 7:28

U na va embela esi, khuwe: Litigo leli, kha li yingisi lito la Pfhumu Nungungulu wawe, ambari gu dzumela gu kawukwa; lisine li fuvide myonyoni gwawe.

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Ezekiyeli 24:3

Ganela ga litigo leli nya guyeyise gipimaniso gimwegyo, u va embela, khuwe: Mune Pfhumu Nungungulu, a ngu ganela kharati, khuye: Tshelega khali gasi yi vila; yi tshelege, u yi thela mati.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Sofoniya 3:2

Kha li yingisi lito, ambari gu yingisa gululekwa. Kha li vegi gitumbo ga Pfhumu Nungungulu, ambari gu hidzimela ga Nungungulu waye.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

Gutuledwa 21:8

Gasi va nya wugara, ni mahedheni, ni sighohi, ni sighevenga, ni sibhayi, ni dzindroyi, ni va nya malipha, va nya wunyanga, vatshavbo va dongisedwe wulanga wawe tsivani nya nilo ni solufa, a gu gufa nya wuvili.”

Gutuledwa 22:15

Va na tshala vbavbandze dzimbwa, dzindroyi, va nya wubhayi, va nya gu khozela sikwembu ni vanungungulu nya malipha, sighevenga ni vatshavbo vale va golago ni gu thuma mithumo ya malipha.