Isaya 30:8 - Bhibhiliya Nya Guage

⁸ Khu guralo, olu dzega lipulango u lova mahungu yaya na va gu gu wona, ma love gambe libhukuni nya gukari; gasi ma kodza gu khala wufakazi kala gupindruga.

Isaya 30:8 Iomraidhean Croise

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 34:16

Vbwetani libhuku la Pfhumu Nungungulu mu li hevbule; ni gimwegyo nya silo soso kha gi na hamugega; wu mwalo patwa wu na hamugegago, kholu leletede khu likana laye, ni Liphuvbo laye kamwe li na si tshanganisa.

Isaya 8:1

Pfhumu Nungungulu a di nyi embela, khuye: “Dzega gileti nya gikhongolo u lova khu malovelo nya guwonege, khuwe: Vbiredzela-Guphanga-Vbiredzela-Gusasela.”

Jeremiya 23:20

Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Jeremiya 30:2

Pfhumu Nungungulu wa Israyeli, a ngu ganela kharati, khuye: Lova libhukuni magana yatshavbo yaya nyi gu embedego.

Jeremiya 36:2

Dzega libhuku u lova magana yatshavbo nyi gu embedego khu kotani ya Israyeli, Judha ni mambe mayigwana yatshavbo, gukhugela avbo nyi phedego khavbo gu ganela nago, gukhugela matshiguni ya Josiya kala muhuno.

Jeremiya 36:4

Khavbo avbo, Jeremiya a di rana Bharuki, Mwamana wa Neriya, gasi a lova umo nya libhuku, magana yatshavbo Jeremiya a na gu mu embeledzelago a nga rumedwago khu Pfhumu Nungungulu.

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Jeremiya 51:60

Jeremiya a di lova libhukuni nya gukari dzimhango dzatshavbo dzi nga bani dzi gu vbweta gu dugelela tigoni ga Bhabhiloni, gumogo gambe ni simbe si nga vbweta gu wonega.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Habhakuka 2:2

Khavbo avbo, Pfhumu Nungungulu a di nyi phindrula, khuye: Lova giwoniso gegi vbasiwindritunu khu malovelo nya guwonege gwadi, gasi gi kodza gu hevbudwa khu vatshavbo ambari ni wule a vbindrago khu gututuma a kodze nuye gu gi hevbula.

Mitengo 24:14

Olu nyi ngu bwelela tigoni gwangu; aholu delu nyita gu embela iso si na girwago khu vathu vava omu tigoni gwago khu matshigu ma nga gutago.

Dhewuteronome 31:19

Olu, nyi ngu mi lovelani ndzimo yeyi; yi hevbudzeni ga va na Israyeli, yi vegeni kanani gwawe, gasi ndzimo yeyi yi khale kha nga fakazi yangu vbakari ga va na Israyeli.

Dhewuteronome 31:22

Khu guralo, Mosi khu litshigu lolo, a di lova ndzimo yeyi a yi hevbudza ga va na Israyeli.

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,

1 Thimoti 4:1

Aholu Liphuvbo nya Guage li ngu ganela lisine, li gukhilo khu gikhati nya guhegise vambe va na diga gukhodwa, va yingisa maphuvbo nya malipha, va landra sihevbulo sa Sathane.

2 Pedro 3:3

Guphela gu vbweta mu dzitini gukhenu guvbelani nya matshigu va na dugelela vathu va nya gufumwa khu gunavela gwawe, va na mi poyila,

Judha 1:18

Avo va nga, khavo: “Gikhati gu na vbohago matshigu nya guhegise, va na manega vathu va na gu mi poyilago; vathu va landrago gudogorela gwawe nyamba khodwa.”