Isaya 30:3 - Bhibhiliya Nya Guage

³ Aholu guvhikedwa gwanu khu Faro, gu na vbindrugedza gu khala dzitshoni, ni wuthavelo mu wu vbwetago tigoni ga Egipito, gu na khala gipoyilo avbo gwanu.

Isaya 30:3 Iomraidhean Croise

2 Dzipfhumu 18:21

Nyi ngu gu wona gukheni wa gu tumba Egipito, ndronga nya tshava yi fanyegidego, yi payago mandza ya oyu a yi khighelago. Khidzo kharato ga Faro, mufumeli wa Egipito, ga vatshavbo vale va mu tumbago.

Dzindzimo 108:12

Hi phase gupala valala vathu, kholu giphaso nya vathu va mafuni kha gi nyawuli.

Mavingu 25:19

Gutumba mukanganyisi gikhatini nya sigaradzo, gu fanana ni likwaha nya gupandrege mwendro gugimbila khu litundru nya guhase.

Isaya 20:5

Khavbo avbo, avo va nga bani na va gu tumba Etiyopiya ni gu dzi khusedza khu Egipito, va na ndrendremela va khala dzitshoni.

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 36:6

Wa gu tumba Egipito, a gu tshava yi fanyeledzedwego, yi payago gyandza gya oyu a yi khighelago! Kharato nuye Faro, mufumeli wa Egipito, ga vatshavbo vale va mu tumbago.

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 42:22

Khu guralo, muhuno dzitini nya gukhenu mu na songwani khu matshari, ndzala ni mitungu tigoni mu gu godego guya khala umo.”

Jeremiya 46:25

Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Ezekiyeli 29:7

Avbo avo va nga gu mola khu mandza, uwe u di fanyega u va bayisa magata; avbo va nga gu khighela, uwe u di pandrega u va bayisa siwunu sawe si ndrendremela.

Hoseya 10:6

Gimombyana nigyo gi na dzegwa gi yiswa Asiriya, kha nga ndruwo ga mufumeli khongolo; gu na manega Pfilupfilu Efrayimi, aholu Israyeli a na khala dzitshoni khu kotani nya wusingalagadzi waye.

Varoma 10:11

Kholu Milowo nya Guage yi ngu hi embela gukhiyo: “Wule a khodwago gwaye gima kha na nga thedwa dzitshoni.”

Varoma 5:5

Gitumbo gegi kha gi hi phazamisi kholu Nungungulu tadzide myonyo yathu khu lihaladzo laye khu tshivba nya Liphuvbo nya Guage, a gu giningwa hi ningidwego khu Nungungulu.