Isaya 30:12 - Bhibhiliya Nya Guage

¹² Kholu, oyu a Agidego wa Israyeli, a ngu ganela kharati, khuye: Kha nga olu mu yeyisidego magana yaya, mu tumba dzihanyi ni mithumo nya gunyenyeze mu namarela ga iso,

Isaya 30:12 Iomraidhean Croise

Dzindzimo 52:7

“Wonani muthu a ngamba tumba Nungungulu kha nga muvhikeli waye; aholu a nga bani a tumba talo nya dzithomba dzaye, a dzi tiyisa khu wukanganyisi waye!”

Dzindzimo 62:10

Mu nga tumbini tshivba, mu nga dzi gugumugisi khu gu gira guvivba; mwa gu fuma dzithomba nya gutale, mu nga vegini avbo myonyo yanu.

Mavingu 24:2

Kholu makungo nya myonyo yawe khya wughevenga, khu maganani gwawe gu duga magana nya wuwugeli.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 28:15

Mu ngu dzi zundza mu ganela, khenu: Mu hungide pwanano ni lufu, ni gukhenu litigo nya vafi pari yathu, ambari tsayiso wu khulunga wu fanana ni talo, gima kha wu na hi vbohela, kholu malipha, wuthavelo wathu, ni wudambane, wulanga nya gusihale avbo.

Isaya 3:14

Pfhumu Nungungulu a nguta lamula madhota ya tigoni gwaye, gumogo ni vathangeli va vathu vaye, kholu, khenu mu ghohetedego lithembwe leli, mu tadzide dzinyumba dzanu khiso mu nga bela sisiwana.

Isaya 3:15

Gasi ginani mu gi vbwetago khu gu tshanisa vathu vangu, olu mu gandredzelago vbavbatshi sisiwana? A ngu wudzisa Mune, Pfhumu Nungungulu nya Tshivba Yatshavbo.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 30:7

Kholu Egipito, giphaso gyaye khya mahala, khidzo kharato nyi ranago Egipito kheni, Libhemba li si phasigo gilo.

Isaya 47:10

Kholu u di tumba wuvivbi wago, u ganela, khuwe: “Mwalo a nyi wonago!” Wugengeli ni guti gwago, khiso si na gu dzimedzago, kholu u di ganela khu monyoni gwago, khuwe: “Eni kheni, vbavbandze gwangu, mwalo mumbe muthu.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Isaya 7:9

Samariya tsindza wa Efrayimi, mufumeli wa Samariya, khu mwamana wa Remaliya, aholu mwa gumba khodwa, khu lisine, kha mu na simama mu vbanya, gima kha mu na tiya.”

Isaya 8:6

“Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

1 Vatesalonika 4:8

Khu guralo, oyu a si yingeligo milayo yeyi, khandri a gu yeyisa muthu, aholu, a gu yeyisa Nungungulu, a mu ningago Liphuvbo nya Guage.