Isaya 3:9 - Bhibhiliya Nya Guage

⁹ Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Isaya 3:9 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Genesi 19:34

Khu mindru gakone, koma a di embela nandra waye, khuye: “Vbanova ni wutshigu eni nyi lade ni babe; hongole hi mu levise gambe gasi u hongole nuwe u ya lala naye wutshigu wa muhuno; khu magirelo yaya hi na wusa livelego la babe wathu.”

Genesi 4:5

Aholu kha tsaka khu ningelo wa Kayimi. Khu guralo, Kayimi a di goroga ngudzu a sivbala khovbeni khu lidiwo.

2 Dzipfhumu 9:30

Jewu a dita Jezireyeli, Jezabheli, na pwide gu vboha gwaye, a di todza maho yaye, a mburisela hungoni gwaye, a khedzisela khu vbagihogwanatunu.

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Mavingu 15:32

Uye a si dzumeligo gu kawukwa, a gu dzi nyenya uye mune wurumba; aholu uye a dzumelago gu laywa, a gu mana wugengeli.

Mavingu 30:13

vale maho yawe ma khusegidego ni dzitshi dzawe dzi laphidego.

Mavingu 8:36

Aholu uye a nyi ghohelago, a gu songa hefemulo waye, ni vatshavbo va nyi nyenyago, va gu gola lufu.

Isaya 1:10

Enu vathangeli va Sodhoma, yingisani magana ya Pfhumu Nungungulu; tulani dzindzeve enu vathu va Ghomora, mupwe nayo wa Nungungulu wathu.

Isaya 3:16

Pfhumu Nungungulu a ngu engedza a ganela, khuye: Kha nga olu vanyamahegyane va Siyoni va dzi gugumugisago, va gimbila na va khusedzide dzithamo, maho yawe na ma tade khu wukanganyisi, va gu gimbila gukhwatshi va di hungwa, na va gu dzumisa masindra ya mawundruni gwawe.

Isaya 57:20

Aholu avo va nya guvivbedwa khu myonyo, va gu fanana ni linene li vbenyago, li gumba dzi kodza gurula, mavimbi yakone ma gu vhilusa maraga ni liguvi.

Isaya 59:12

Kholu mithumo yathu nya gunyenyeze yi ngu engedzelana mahoni gwago, ni sighoho sathu si ngu hi fakazela; kholu mithumo yathu nya gunyenyeze yomo avbo gwathu, gambe hi ngu guti guvivba gwathu.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 6:15

Ina va na dzipwa dzitshoni, khu gu bani va giride gihoso nyi gi nyenyago, gani? Ahihi! Avo va mwalo dzitshoni. Gambe kha va giti gilo gi va thelago dzitshoni; khu guralo, va na thega gumogo ni vambe, va mbembiswa muphelo litshigu nya gulamudwe. A ngu ganela Pfhumu Nungungulu.

Jeremiya 8:12

Va di yede gupwa dzitshoni khu mavbanyelo yawe nyambasi yadi; aholu ne ni vbadugwana kha va dzipwi dzitshoni; gambe kha va giti gilo muni gu khala dzitshoni. Khu guralo, va na thega gumogo ni vale va fudego; va na mbemba litshiguni nya gulamudwe; a ngu ganela Pfhumu Nungungulu.

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Ezekiyeli 16:30

Mune Pfhumu Nungungulu, wari khuye, u nyi goroside ngudzu khu gu gira silo satshavbo nya nga esi, u vbanya gukhwatshi u liphuphulu nya guvbelele.

Ezekiyeli 16:49

Owu khu nandru wa ndriyago Sodhoma, uye gumogo ni sanana saye nya gutale khu matshandza ni wutetema, kholu va diri ni guhodza nya gutale ni sifuyo nya singi; kha va thela kota khu gu phasa sisiwana ni va nya guhamuga.

Ezekiyeli 23:16

“Avbo uye a va wonidego, a di va dogorela ngudzu, a rumela myango yaye yiya Kalidhiya.”

Dhaniyeli 7:20

gumogo gambe ni guti khu likhumi dzikheho dzi nga bani dziri hungoni gwaye ni kheho yi nga gwelago gu thega dzile nya dzitharu, khiyo yile yi nga bani yiri ni maho, ni likana nya guganele matshandza, nya guthise guvbindra edzi dzikwawe.

Hoseya 13:9

Uwe Israyeli, u mbembisidwe, kholu u nga nyi wugelago, u bwelo khavbo u wugela muphasedzeli wago.

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Varoma 6:23

Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.

Gutuledwa 11:8

Sirumbi sawe si na khala tshandzala mudzindzilani nya lidhoropa likhongolo, li ranwago khu gipimaniso pwani Sodhoma ni Egipito, umo gambe Pfhumu yawe yi nga khokhothedwago umo.

1 Samuweli 15:32

Samuweli a di ganela, khuye: “Nyi reseleni Agagi, mufumeli wa Vaamaleki.” Agagi a di hidzimela na tangade, na gu alakanya gukhuye: “Khu lisine guvbisega nya gufe gu vbindride.”