Isaya 3:26 - Bhibhiliya Nya Guage

²⁶ Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 3:26 Iomraidhean Croise

Joba 2:13

Va di khala naye vbavbatshi va mu bangaladza livbandre na mavili matshigu, wutshigu ni mihani na va si ganeli gilo naye, kholu va di gusaniseka ngudzu.

Joba 2:8

Khavbo avbo, Joba a diya khala vbatalatunu a vbweta gindzengele a dzi tshuvela khigyo.

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 29:2

Khu guralo, nyi na randrela lidhoropa la Ariyeli khu malanga yatshavbo, gu na manega umo gililo ni wuvi; ilo avbo gwangu li na khala nga gikho nya giluvelo.

Isaya 32:14

Kholu nyumba nya wufumu kha yi na bedwa gambe khu muthu, lidhoropa li nga bani gu khala vathu nya gutale, li na khala marumbi. Ofeli ni likhokhola nya vawoneleli, si na khala dziphago kala gupindruga. Gu na khala wuhaganelo nya dziburu nya likhabi ni wuhaviselo nya mitshambi;

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 14:2

Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Gililo 1:1

Khu ginani li khadego marumbi lidhoropa leli gale li nga bani li tade khu vathu! Lidhoropa leli gale li nga bani liri likhongolo vbakari nya mayigo. Olu li vbindrugedzide li khala noni li nga bani liri ni wudhumo vbakari nya mayigo, olu li khade gisiwana! Bet

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Gililo 2:8

Pfhumu Nungungulu hungide makungo nya gupfhungumule laba ni libhiyo la nyamahegyane wa Siyoni, a mu pimide khu ngodzi nya sifi aholu kha bweledza gyandza gyaye nya gusasele; a khungumula laba ni likhokhola; satshavbo si keta gumogo. Tet

Ezekiyeli 12:20

Madhoropa ma khadwago khu vathu ma na khala marumbi, ni litigo li na khala giwula. Khu guralo, mu na dzitini gukhenu eni kheni Pfhumu Nungungulu.”

Ezekiyeli 26:16

Khu guralo, vafumeli vatshavbo va bambe nya yiphwa, va na tshiga khu vbasikhalotunu gwawe nya wufumu, va na funungula sifenengelo sawe, va tshula dzingandzu dzawe nya mavalavala; va na taledwa khu hwanga, va khala vbavbatshi na va ndrendremela gikhati gyatshavbo; khu kotani yago, va na thuruga.

Mikeya 1:9

Kholu gilondra gyaye khya gimange, gi vbohide kala Judha; gi endrelega kala dzinyangwani dza vathu vangu, gi vboha kala Jerusalema.

Matewu 11:17

‘Hi wombide sitoliyo, kha mwa hana! Hi embide dzindzimo nya wusiwana, kha mwa lila!’

Luka 19:44

Va na gu tshigira mafuni, uwe ni sanana sago, kha va na tshiya giwindri vbatshani nya giwindri gikwawe, kholu u ngamba liti litshigu u nga holedwago khilo!”