Isaya 3:25 - Bhibhiliya Nya Guage

²⁵ Vathu vago va na songetedwa khu matshari; ni dzindrena dzago dzatshavbo, dzi na fela nyimbitunu.

Isaya 3:25 Iomraidhean Croise

2 Dzikoronika 28:6

Kholu Peka, mwamana wa Remaliya, a di songa khu litshigu limwedo basi, lizana ni magumavili magumi mazana (120.000) vama nya tshivba, kholu va nga hambanago ni Pfhumu Nungungulu wa vababe vawe.

2 Dzikoronika 29:9

Khiso si nga gira vababe vanu va songwa khu matshari, sanana sathu nya sikhwathana, ni sanana sathu nya vanyamahegyane, vagadzi vathu va manegide wugumbitunu khu kotani nya isoso.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Jeremiya 11:22

Ina, Pfhumu Nungungulu nya Tshivba Yatshavbo a ngu ganela kharati, khuye: “Wonani, eni nyi na va tsayisa; madzaha ma na songwa khu litshari, ni sanana sawe nya sikhwathana ni sagadzyana si nafa khu ndzala.”

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Gililo 2:21

Sanana ni sikhosane si mbambamede mu dzindzilani. Dzimbiri ni madzaha yangu va sasedwe khu matshari. U va songide khu litshigu nya likhulo lago, u va mbembisa nyamba va tsetsa. Tau

Amosi 9:10

Sighohi satshavbo si guromo vbakari ga vathu vangu, si na songwa khu matshari, vatshavbo va ganelago, khavo: Gima kha hi na thegedwa khu libango ambari guvbohedwa khilo.