Isaya 3:24 - Bhibhiliya Nya Guage

²⁴ Wulangani nya mafura nya gunungele, gu na pwala gununga nya silo nya guhine, wulangani nya libhandri, gu na manega ngodzi; wulangani nya gulugwe ndzudzu, gu na manega likhwalu; wulangani nya guambale nya buzo, gu na ambadwa silendra; wulangani nya wumburi, gu na manega mambala nya guvbiswe khu nilo.

Isaya 3:24 Iomraidhean Croise

Joba 16:15

Nyi sonide ngandzu nya gilendra, nyi pfhugunyede khovbe yangu ngumani.

Mavingu 31:24

A gu gira myendra nya seda a rengisa, ni gu ghwevhisela mabhandri va nya wugwewo.

Mavingu 7:17

Nyi theledzede vbadawutunu gwangu mafura nya gunungele nya guhambanelane.

Isaya 15:2

Vavbanyi va Bhajiti Dhibhoni va gu gwela malangani nya miphaso ya musigomoni, vaya lila; Mowabhi a ngu lila khu kotani ya Nebhu ni Medhebha. Vatshavbo va vbalude ndzudzu ni guvila giledzo.

Isaya 15:3

Va di ambala myendra nya silendra va duga dzindzilani; ni vbatshani nya dzinyumba dzawe, ni mitendrelani gwawe vaya lila ni gu tsikwila,

Isaya 22:12

Ga litshigu lolo, Mune, Pfhumu Nungungulu nya Tshivba Yatshavbo, a ngu mi ramba gu muta lila, ni gutsikwila, mu vbalula ndzudzu hungoni ni gu ambala myendra nya silendra.

Isaya 3:23

mabona, dzingandzu nya seda, mongo nya guhunge hungoni ni sikhongelo nya guwonegele.

Isaya 4:4

Gikhati Pfhumu a na handzago manyala ya vanyamahegyane va Siyoni ni gu handza novba wu guromo vbakari ga Jerusalema, khu Liphuvbo nya gululame ni Liphuvbo nya agise.

Isaya 57:9

U ya ga mufumeli ni mafura, u engedzela mafura nya gunungele; u rumela myango malangani ya hwindzo, u va rumela kala guetani nya lithowo.

Jeremiya 4:8

Khu guralo, ambalani silendra mu lila ni gu womba dzihuwa; kholu nilo nya likhulo la Pfhumu Nungungulu kha wa ndreya mbeli gwathu.

Jeremiya 48:37

Kholu mihungoni gwawe gu na vbaludwa ni siledzo sawe si na vidwa; va na thedwa dzimbanga mandzani gwawe, siwununi gwawe gu fenengedzidwe khu silendra.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Jeremiya 6:26

Uwe nyamahegyane wa vathu vangu, ambala gilendra nya gililo, u puluwundra ngumani; womba huwa u lila ngudzu gukhwatshi, u di fedwa khu gyanana gya gimwegyo; kholu nala a na vboha khu githugedza ata hi sasela.

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Ezekiyeli 27:31

Va na vidwa likhwalo ni gu ambala silendra khu kotani gwago; va na gu lilela khu wuvi wawe watshavbo; va gira gililo nya gikhongolo.

Ezekiyeli 7:18

Avo va na dzi fenengedza khu myendra nya silendra, na va tade khu gundrendremela. Va na fenengedzwa khovbeni khu dzitshoni, va vidwa likhwalo hungoni.

Joyele 1:8

Lila nga nyamahegyane nya likendzi a ambadego gilendra a lilela mwama waye nya lidzaha.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Mikeya 1:16

Vbalulani ndzudzu hungoni, mu lila sanana sanu mu si golago; vbalulani mihungo yanu yi fanana ni uwo nya lighama, kholu sanana sanu si dzegidwe si yiswa wugumbini.

Dhewuteronome 28:22

Pfhumu Nungungulu a na gu veta khu madwali nya gikhohola, dzedzedze, gindrendrewane, gisimba mwendro giwumbwa ni guvbisa nya guthise, ni gu hina nya dzimbewu, dzinyimbi ni mitungu yi na gu lundrago kala u fuva.

Dhewuteronome 32:24

Va na mbemba khu ndzala, ni gu hodzwa khu dzingumbe ni mitungu nya guvbise, nyi na va rumela magwaha nya sirengo nya likhabi, ni wuhungu nya gusonge nya sirengwanana nya gukhwirire khu lididi.

1 Pedro 3:3

Mu nga dwaneli gu dzi mburisela khu vbavbandze, khu gu luga mindzudzu, ni guambala dziphera ni maniya nya ndralama, ni dzingandzu nya gurengwe khu dzitsapawu nya dzingi.

Gutuledwa 11:3

Nyi na rumela dzifakazi dzangu dza dzimbili na dzi ambade gilendra gasi gu profeta mahungu ya Nungungulu, gipimo nya likhumi mazana ni mazana mavili ni livbandre na limwedo magumi (1.260) matshigu.”

Gutuledwa 16:9

Vathu va di hahudwa khu lihani nya likhongolo, va vbya nya guthise, va gu vala lina la Nungungulu, a gu ni tshivba nya gu rumele sitsayiso sesi; aholu, kha va dzi kodza gu vbindrugedza, va rungudza Nungungulu.

Gutuledwa 18:9

Vafumeli nya mayigo va nga girago naye wubhemba, va ghiya gumogo naye, va na mu lila va gu dzi laya, va gu wona wutshi nya guvbiswe gwaye.