Isaya 3:19 - Bhibhiliya Nya Guage

¹⁹ dziphera dza dzindzeveni, wulungu ni sikhongelo;

Isaya 3:19 Iomraidhean Croise

Genesi 24:22

Avbo dzi nga vbedzago gu sela dzingameriya dzatshavbo, mwama a di dusa phera nya gipandre nya pimo nya ndralama, ni maniya mavili nya likhumi mipimo nya ndralama.

Genesi 24:30

Laboni a di wone phera ni maniya mandzani ga ndriyaye, gambe a di pwide Rebheka na gu ganela, khuye: “Mwama yoyo a nyi embede esi, a diya vbweta mwama aya mu mana ni dzingameriya vbafuvbi ni nambo.

Genesi 24:53

Gi di dusa sombo nya parata, sombo nya ndralama ni guambala gi ninga Rebheka; gi ninga gambe sombo nya lisima ga ndriyaye ni ga mayi waye.

Genesi 35:4

Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi.

Genesi 38:18

Uye a di mu wudzisa, khuye: “Ginani nyi na gu pharisago?” Tamari a di hakha, khuye: “Nyi ninge gifungo gyago, ni karara wago ni ndronga u pharidego mandzani.” Judha a di mu ninga, a gu lala naye; a mu khurisa mimba.

Genesi 38:25

Na va gu mu dusa, nyamayi a di ruma guya embela nasale waye, khuye: “Khu lisine, mimba nyi gu nayo khya mwama a gu mune wa sombo sesi!” Tamari a di engedza a ganela, khuye: “Nyi ngu gu lomba u khedzisa gwadi gifungo gegi ni karara ni ndronga yakone, u wona gukhuwe sa gu lumba mani.”

Ekisodha 32:2

Khavbo avbo, Aroni a di va hakha, khuye: “Dusani dziphera nya ndralama dzi guromo dzindzeveni dza vagadzi vanu, dza sanana sanu nya sikhwathana nesi nya sagadzyana, mu nyi resela avba.”

Ekisodha 32:3

Khu guralo, vathu vatshavbo va di tshula dziphera nya ndralama va nga bani va ambade dzindzeveni, va gu dzi yisa ga Aroni.

Ekisodha 35:22

Vama ni vanyamayi ni vatshavbo nya myonyo nya wuhindzi; va dita na va pharide masindra ni dziphera ni maniya, ni mafumbu yatshavbo nya simburiselo nya gugirwe khu ndralama; moyo ni moyo a di ta bikela ningelo waye nya ndralama owu a wu dongisedego gu ningela Pfhumu Nungungulu.

Isaya 3:18

Khu litshigu lolo, Pfhumu, a na wandrela vanyamayi satshavbo sombo sawe nya gu dzi mburisele, khiso: Masindra ya mawundruni, niso nya gu luge khiso ndzudzu ni mikarara ya thamoni;

Isaya 3:20

Mongo, dziketane, mabhandri, sigasyana nya mafura nya gunungele, ni masindra ya mawundruni;

Ezekiyeli 16:11

Nyi gu mburisede; nyi gu ambagisa maniya mawogoni gwago, ni gu gu ambagisa karara thamoni;

Ezekiyeli 16:12

nyi gu thede phera vbathonvutunu, nyi gu thela dziphera dzindzeveni gwago, nyi gu ambagisa gihugu nya gumbure ngudzu hungoni gwago.

Mitengo 31:50

Khu guralo, moyo ni moyo nya ethu a gu vbweta gu gira ningelo ga Pfhumu nungungulu nya esi a si manidego nya nga sombo: Nya ndralama, mikarara, masindra, maniya, ni dziphera ni simbe, gasi gu gira phaso nya guditshedzwe sighoho, kholu Pfhumu Nungungulu a hi vbulugisidego.”