Isaya 3:11 - Bhibhiliya Nya Guage

¹¹ Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 3:11 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

1 Dzipfhumu 21:21

Wona nya gukhuwe nyi na resa libango mbeli gwago, nyi na vbiyela livelego lago latshavbo, nyi na vbedza vama vatshavbo va nyumbani ga Akabi, madzaha ni vakhongolo, dzikhumbi ni vatshulegidego va tigoni ga Israyeli.

2 Dzikoronika 6:23

Uwe, nuri khu ndzadzini yoyo, mu yingise U gira ni gu lamula sithumi sago; U yeyedza oyu a gu ni nandru, mu bweledzele mithumo yaye yi thegela hungoni gwaye; oyu a lulamidego a na mane gutsaka, U mu bweledzela khu gululama gwaye.

Joba 10:15

Nya gu bani nyiri gighohi, nyi na ni libango; nya gu bani nyi lulamide, kha nyi kodzi ni gu khusedza hungo, kholu nyi tade khu dzitshoni nyi wona wusiwana wangu.

Dzindzimo 28:4

Va ninge gukhedza khu edzi yi lombago khidzo mithumo yawe, gupima khu guvivba nya sigiro sawe; va ninge edzi wu lombago khidzo thumo nya mandza yawe, va livbe tengo wu va lumbago.

Dzindzimo 62:12

Lihaladzo la gu lumba Pfhumu kholu a gu bweledzela ga muthu ni muthu gukhedza khu mithumo yaye.

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Mavingu 11:31

Muthu nya gululame a na mana tshatshazelo waye mafuni momo; ahati va nya guvivbedwa khu monyo ni sighohi va na gira kharini?

Mavingu 12:14

Muthu ni muthu a gu hakha handro nya iso a si dusago khu kanani gwaye, ni gu mana tshatshazelo nya sile a girago khu mandza yaye.

Mavingu 26:27

Uye a kembago liphala, a na thegela umo, ni uye a rindrividzelago giwindri, a na thegedwa khigyo.

Muhevbudzi 8:13

Gasi gighohi gima kha gi na katega, ambari gu mana matshigu nya gulaphe; gi na mwalalega nga mwedzi, kholu kha gya thava Nungungulu.

Isaya 13:11

Nyi na tsayisa litigo khu kotani nya guvivbe gwaye, ni va nya guvivba khu kotani nya gughohe gwawe, nyi fuvisa matshandza ya avo va dzi khusedzago, nyi thela dzitshoni avo va dzi gugumugisago ni va nya dzihanyi.

Isaya 48:22

Aholu, va nya guvivbedwa khu myonyo kha va nga mana gurula, khu Pfhumu Nungungulu a ganelago.”

Isaya 65:20

Kha gu na manega gambe gwawe sanana nya guvbanye matshigu madugwana, ambari sikhosane nya gumba tshanganisa matshigu nya guvbanye gwawe; kholu oyu a na fago nari ni lizana (100) myaga, a na bani na ngari lidzaha, aholu gumba tshanganisa lizana myaga, gu na wonwa kha nga givalo.

Isaya 65:6

Wona nya gukhuwe si lovidwe mbeli gwangu gupwani: “Kha nyi na degula; nyi si gu bweledzeli, nyi bwelo khavbo nyi gu ninga tshatshazelo wago,

Isaya 65:7

Pfhumu Nungungulu a ngu ganela kharati, khuye: Khu guvivba gwanu, gumogo nugo ga vababe vanu, va vbisidego libani sigomoni, va nyi vala na vari musigomwanani; khu guralo, nyi na simama gu pima mithumo yawe ya gale vbakari gwawe.”

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 31:30

Aholu, moyo ni moyo, a nafa khu kotani nya gighoho gyaye, ni gu muthu a gu hodza dziuvha nya dzimbihu, uye kamwe a na tshaniseka khu guvbisa magwaha yaye.

Ezekiyeli 16:59

Mune Pfhumu Nungungulu a ngu ganela kharati, khuye: “Nyi na gu tsayisa gukhedza khu mithumo yago u giridego; kholu u yeyiside gisambanyo gyangu, u funya gidzumeledzwano gyangu.

Ezekiyeli 18:20

“Muthu a ghohago khuye a yelago gufa; gyanana gima kha gi na nga khala mune nya gighoho gya muvelegi waye, ambari muvelegi nuye kha na mana nandru khu gighoho gya mwanaye. Muthu nya gululame a na hakha gululama gu mu lumbago, uye nyamba lulama a na tsayiswa khu gumba lulama gwaye.”

Ezekiyeli 2:10

Uye a di li thawuludza mbeli gwangu. Ilo li di lovidwe ndrani ni vbavbandze; gu di lovidwe magana nya gililo, wuvi ni gudilela.

Ezekiyeli 24:14

Eni Pfhumu Nungungulu nyi ganede. Olu gi vbohide gikhati nya gu nyi thuma. Kha nyi na bwelela hwane. Uwe u na lamudwa gukhedza khu mavbanyelo yago ni mithumo yago.” A ngu ganela Mune Pfhumu Nungungulu.

Ezekiyeli 33:8

Eni nya gu ganela ga uye nya guvivbedwe khu monyo, kheni: Khu lisine uye a nafa, uwe u si mu embeli gasi uye a ndreye ndzilani nya guvivbe, muthu wule nya guvivbedwe khu monyo a nafa khu kotani nya wuvivbi waye, aholu eni nyi na gu rwega nandru khu gufa ga muthu yoyo.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Valamuli 9:57

Gumogo gambe ni gu bweledzela hungoni wuvivbi wa vathu va dhoropani ga Sikemi; ni guvivba a giredego Jothamo, mwamana wa Jerubhahali, gu di thegela hungoni gwawe.