Isaya 3:1 - Bhibhiliya Nya Guage

¹ Kholu, wonani nya gukhenu: Mune, Pfhumu Nungungulu Nya Tshivba Yatshavbo, a na wandrela Jerusalema ni Judha iso si va vbanyisago ni siseketelo satshavbo, a na va dzegela guhodza gwawe gwatshavbo ni mati nya gusele.

Isaya 3:1 Iomraidhean Croise

2 Dzipfhumu 25:3

Khu litshigu nya livbandre na mana nya ngima nya wu na, ndzala yi di tshinga ngudzu dhoropani, vathu va di hamuga guhodza.

Dzindzimo 105:16

A di gira yi manega ndzala tigoni mule, a diga vathu nyambana guhodza.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 2:22

Khu guralo, mu nga tumbi muthu a hefemulago khu dzithonvu. Kholu, giphaso muni a gu nagyo uye?

Isaya 3:16

Pfhumu Nungungulu a ngu engedza a ganela, khuye: Kha nga olu vanyamahegyane va Siyoni va dzi gugumugisago, va gimbila na va khusedzide dzithamo, maho yawe na ma tade khu wukanganyisi, va gu gimbila gukhwatshi va di hungwa, na va gu dzumisa masindra ya mawundruni gwawe.

Isaya 36:12

Aholu Rabhisaki a di va hakha, khuye: “Mwa gu pimisa gukhenu mune wangu a di nyi ruma mahala guta tivisa mahungu yaya ga mune wanu ni avbo gwanu basi, gani? Gudiga ga vathu vava va khadego dzindzarini nya likhokhola, gasi mu fela gu hodza gumogo navo magimba yawe ni gu sela mirundro yawe, gani?”

Isaya 5:13

Khu guralo, vathu vangu va na vbagedwa va yiswa wugumbitunu, khu gumbana mapimo. Vathu vawe nya guthavisege va nafa khu ndzala, ni gidzemo gyawe gi na dagarela khu lidora.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Isaya 9:20

Va gu pila gitsuwu khu nyamudye, va gu simama gupwa ndzala, va gu hodza khu nyambade, aholu va gupwa ndzala; muthu ni muthu a gu hodza nyama ya muthu kwawe.

Jeremiya 37:21

Khavbo avbo, mufumeli Zedhekiya a di leletela gukhuye, Jeremiya a khothedwa hubheni nya dzighadhi, gasi khu litshigu ni litshigu a ningwe gibaba nya guningwe khavo va vawulago, kala dhoropani gwatshavbo gu vbela sibaba. Khu kharati, Jeremiya a di khala hubheni nya dzighadhi.

Jeremiya 38:9

“Ama mufumeli, ni mune wangu, vama vava kha va gira silo nya sadi khiso va nga girelago muprofeti Jeremiya. Avo va di mu rinya namboni; khu lisine uye a nafa khu ndzala wulangani a guromo, kholu dhoropani gumwalo gambe sibaba.”

Jeremiya 52:3

Khu kotani nya isoso, Pfhumu Nungungulu a di vbisega khu Jerusalema ni Judha, kala a va dusa mbeli gwaye; Zedhekiya a di wugela mufumeli wa Bhabhiloni.

Jeremiya 52:6

Khu litshigu nya livbandre na mana nya ngima nya wu na, gu di manega ndzala nya yikhongolo dhoropani, avbo vathu vatshavbo va tigoni va nga hamugago gilo nya guhodze,

Gililo 5:4

Ambari ni mati hi selago gumogo ni dzikhuni hi dzi thumisago; satshavbo ha gu livba.

Ezekiyeli 14:13

“Mwamana wa muthu, litigo nya gukari la gu nyi ghohela khu gumba tumbega, nyi na thawuludza libogo langu nyi li dzegela guhodza, nyi li rumela ndzala, nyi songetela vathu vaye gumogo ni sirengo saye.”

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Mikeya 4:9

Gasi olu, khu ginani u wombago huwa nya yikhongolo, ina u mwalo mufumeli, gani? A difa singalagadzi wago, gani? Gu kala u pwa wuvi nya nga wa nyamayi a lumwago?