Isaya 28:9 - Bhibhiliya Nya Guage

⁹ Va gu wudzisa, khavo: “A gu pimisa gukhuye na hevbudza mani wugengeli, na? A gu pimisa gukhuye a na tshamusela mani mahungu va ma pwidego? Ina kamwe ethu hi ngari sanana nya sidugwane si ngari gulumudwago, gani? Esi si ngari gu digago libele, gani?

Isaya 28:9 Iomraidhean Croise

Dzindzimo 131:2

Nyi manide gurula ni gu hefemula; gu fanana ni gyanana gi sengedzedwago khu mayi wagyo, nyi rudzisa hefemulo wangu gu fanana ni gyanana gi mamidego gi khura.

Dzindzimo 50:17

nari gu uwe u ngu nyenya sihevbudzo sangu, ni gu vengela magana yangu, gani?

Mavingu 1:29

Kholu mu di bomba guti, mu si dzumeli guthava Pfhumu Nungungulu;

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 28:26

Kholu Nungungulu waye a ngu mu hevbudza ni gu mu yeyedza esi a yelago gu gira.

Isaya 30:20

Ambari Pfhumu a gu mi ningani gibaba nya sigaradzo ni mati nya wuvi, vahevbudzi vago kha va na sihala gambe. U na wona vahevbudzi vago khu maho yago kamwe.

Isaya 48:17

A ngu ganela kharati Pfhumu Nungungulu, Mudzegisi wago, Nyaguage wa Israyeli, khuye: Eni kheni Pfhumu Nungungulu wago, a gu hevbudzago ugo nya gwadi gu gu phasago, oyu a gu thangelago ga ndzila u yelago gu gimbila khiyo.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.

Isaya 53:1

Khu mani a khodwego khu esi hi mi tivisidego? Gambe khu mani a wonidego tshivba ya Pfhumu Nungungulu?

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Jeremiya 35:13

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Indra u ya embela va na Judha ni vatshavbo vavbanyi va Jerusalema, khuwe: Pfhumu Nungungulu a ngu ganela, khuye: Ina kamwe kha mu na dzumela gu hevbula, ni gu yingisa magana yangu, gani?

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Marko 10:15

Khu lisine nyi ngu mi embelani kheni oyu a si hakhigo Mufumo wa Nungungulu kha nga gyanana, gima kha na wu bela.”

Johane 12:38

gasi gu tadzisega magana ya muprofeti Isaya, nya gukhayo: “Pfhumu, khu mani a khodwago khu magana yathu? Tshivba yaye Pfhumu a yi wonegiside ga mani?”

Johane 3:19

“Igyo gi na va mbembisago, khegi: Guwonegela gu dzude mafuni, aholu vathu va di gola ngudzu gidema guvbindra guwonegela, kholu mithumo yawe yi vivbide.

1 Pedro 2:2

Khalani nga sanana si ngari gu velegwago, mu vbweta mahwe nya liphuvbo gikhati gyatshavbo, gasi mu sela, mu dandre, mu vbanyiswe.