Isaya 28:2 - Bhibhiliya Nya Guage

² Wonani nya gukhenu Pfhumu a na rumela mwama nya ndrena ni tshivba kha nga ndzadzi nya maralala ni phuvbo nya gingulu, yi pfhungumulago kha nga talo nya khongolo nya mati ma khulungago khu tshivba, ma kemba mafu.

Isaya 28:2 Iomraidhean Croise

Joba 22:16

Avo va dusidwe omu na gi si gu vbohi gikhati gyawe; avo, giseketelo gyawe gi nga kukulutwago khu ndrambi nya mati.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 27:1

Khu litshigu lolo, Pfhumu Nungungulu a na tsayisa khu litshari laye nya likhongolo, nya tshivba, levhiyatani, nyoga nya tshivba ni mazambo, nya gu dzi tshomborosele, ni gu songa mwamilambo, nyoga yi guromo linene.

Isaya 29:6

Pfhumu Nungungulu nya Tshivba Yatshavbo, a nata gu tsayisa khu mabara, sirevareva, ni gudzuma nya guthise, ni singulu ni sipupwane ni malavbelavbe nya nilo nya gumbembise.

Isaya 30:28

A gu hefemula gu duga liphuvbo nya gufanane ni tsongo wu tadego khu mati ma gogago, ma gugumuga ma langaladza kala thamoni; a gu vbevbera mayigo khu gisavala nya gumbembise; a thela matomu maganani nya vathu gasi gu va ndreyisa va ghoha.

Isaya 30:30

Pfhumu Nungungulu a na pwadza lito laye nya wudhumo, ni gu wonegisa tshivba nya libogo laye. A na li reledza na tade khu giviti ni likhulo, ni nilo nya gumbembise, gulasa ni ndzadzi nya talo, ni phuvbo nya gingulu, ni siwindri nya maralala.

Isaya 32:19

gu thega maralala, ma hagadza likhabi, lidhoropa li na pfhungumudwa latshavbo.

Isaya 40:10

Wonani nya gukhenu Mune, Pfhumu Nungungulu, a nguta nari ni tshivba guta fuma khu gyandza gyaye; wonani, a nguta ni tshatshazelo waye, a guta ni vathu a va tshudzisidego; a va thangisa mbeli gwaye.

Isaya 8:6

“Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Ezekiyeli 13:11

Embela vale va li londrago khu phembe, khuwe: Libhiyo lolo li na thega! Gu nawa ndzadzi nya yingi, nyi na vbaladza ndzadzi nya siwindri ni gufurugedza phuvbo nya gingulu.

Ezekiyeli 38:9

Khu guralo, uwe ni masotshwa yago yatshavbo, ni mayigo nya mangi mu na va dhumelani kha nga gingulu, u na gira kha nga lipfhi li fenengedzago litigo.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Nahume 1:8

aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

Josuwa 10:11

Avbo va nga bani va tutuma gu thava va na Israyeli, releloni wa Bheti-Horoni, Pfhumu Nungungulu a di va thesela maralala nya siwindri nya sikhongolo na si gu thega khu ndzadzini, kala Azeka; avo va ngafa khu gu thegedwa khu ndzadzi nya siwindri vangi ngudzu, guvbindra avo va nga songwa khu matshari khu va na Israyeli.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”

Gutuledwa 8:7

Ngilozi nya guhegule yi di womba pundru. Khavbo avbo, gu di thega maralala ni nilo tigoni, na si patidwe ni novba. Gu divbya gipandre nya wuraru nya litigo ni misimbo yakone, mwasi watshavbo nya guvbanye wu di tsagamiswa khu luvbya.