Isaya 27:8 - Bhibhiliya Nya Guage

⁸ Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.

Isaya 27:8 Iomraidhean Croise

Joba 23:6

Ina Uye a di hadza gu nyi dwanisa khu tshivba yaye nya yikhongolo, gani? Ahihi; aholu a di hadza gu nyi yingisa.

Dzindzimo 103:14

Kholu a ngu dziti edzi hi wumbidwego khidzo, a ngu alakanya gukhuye ethu hi libumba basi.

Dzindzimo 103:9

Kha hi tsayisi gikhati gyatshavbo, ni likhulo laye kha li simami kala gupindruga.

Dzindzimo 38:1

Pfhumu Nungungulu! U nga nyi tsayisi khu likhulo lago ambari gu nyi kawuka nu tade khu likhulo.

Dzindzimo 6:1

Pfhumu Nungungulu, u nga nyi kawuki nu tade khu likhulo, ambari gu nyi tsayisa nuri ni likhulo.

Dzindzimo 76:10

Ambari likhulo nya muthu li na gu rungudza; ni mitshaledwa yi nga vbulugago yi na gu girela buzo.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Isaya 54:7

Khu gikhati gidugwana, nyi di gu digide, aholu nyi ngu bwelo khavbo nyi gu wuyisa khu lihaladzo nya likhongolo.

Isaya 57:16

Khu guralo, kha nyi na mi singedza gikhati gyatshavbo, mwendro gu gira likhulo gikhati gyatshavbo; kholu mihefemulo nyi yi vangidego, yi nga vbeledwa khu tshivba mbeli gwangu.

Isaya 64:5

U ngu phasedzela wule a girago gululama na tsakide, vale va si divaligo dzindzila dzago; hi ngu wona nya gukhethu u khuvegide, kholu hi ghohide; gale na hi gu ghohela; hi na vbanyiswa, gani?

Jeremiya 10:24

Nyi tsayise uwe Pfhumu Nungungulu, khu gululama nasiri khu dzihanyi, gasi nyi si mbembi.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 4:11

Khu gikhati gyogyo, va na embedwa vathu vava ni Jerusalema, pwani: “Phuvbo nya guvbise ya musigomoni nya giwula yi na furugedza khu mudzindzilani dza nyamahegyane wa vathu vangu, nasiri gu vbevbera mwendro gu hetshetsha.”

Jeremiya 4:27

Kholu Pfhumu Nungungulu a ngu ganela kharati, khuye: Litigo latshavbo li na pfhungumudwa li khala giwula; aholu kha nyi na li mbembisela muphelo.

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Gililo 3:31

Kholu Pfhumu kha dzudzugi muthu kala gupindruga.

Gililo 3:32

Hwane nya gu bani a mu tshaniside, a ngu mu pwela gisiro, kholu lihaladzo laye likhongolo ngudzu.

Ezekiyeli 19:12

Aholu wu di sigudwa khu tshivba nya likhulo, wu theswa kala vbavbatshi, phuvbo ya Khugadambo yi di wu wunisa, mihandro yi di dusedwa, ma di fanyega ni gubanga matamo yaye nya gutiye, ma dagarela khu nilo.

Hoseya 13:15

Ambari a gu ninga mihandro vbakari ga vandriyaye, gu nata phuvbo ya Khugadambo, khu ga Pfhumu Nungungulu, yi furugedza gukhugela giwulani, yi bangisa sifefe sawe, gu banga ni nambo wawe. Thomba yawe yatshavbo yi na phangwa khu malangani yi khalago umo.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

1 Vakorinto 10:13

Sigaradzo mu si wonago khiso si pimedwego gu padwa khu muthu. Kholu Nungungulu tumbegide, kha na nga dzumedzisa gukhuye mu mane silingo nya guvbindre tshivba yanu. A gu mi rumela gilingo, a na mi tulela gambe dzindzila nya gu gi pale.

1 Pedro 1:6

Nengelani khiso, ambari olu khu gikhatinyana mu guromo gugaradzegani khu kotani nya silingo nya singi mu si manago.