Isaya 27:3 - Bhibhiliya Nya Guage

³ Eni Pfhumu Nungungulu kheni nyi li sayisago, nyi na li theledzela mati gikhati gyatshavbo, nyi li ghadha wutshigu ni mihani, gasi a si manegi muthu nya gute li ghohetela.

Isaya 27:3 Iomraidhean Croise

Genesi 6:17

Eni nyi na tshisa talo nya ndrambi mafuni, gasi guta langaladza sivangwa satshavbo si vbanyago vbavbatshi nya lidambo; satshavbo si guromo mafuni si nafa.

Genesi 9:9

“Eni nyi na hunga pwanano wangu nanu, ni situgulwana si na gutago khu hwane gwanu;

1 Dzipfhumu 8:59

Magana yaya nya gulombe nyi ngari gu lombago ga Pfhumu Nungungulu, ma na khale vbafuvbi, mbeli ga Pfhumu Nungungulu wathu, wutshigu ni mihani, gasi uye a kodze gu vhikela mahungu ya githumi gyaye ni mahungu ya Israyeli, vathu vaye, mayelano khiso va si vbwetago guvbanyani gwawe.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Isaya 31:5

Gufanana ni sinyoni si thawuludzago mambapi, si vbuvba, kharato nuye Pfhumu Nungungulu nya Tshivba Yatshavbo, a na tangadzisa lidhoropa la Jerusalema, a li tshudzisa ni gu li vbanyisa, a si li digi li mbembiswa.

Isaya 42:6

Eni, Pfhumu Nungungulu, nyi gu ranide guta thuma gululama, nyi na gu phara khu libogo, nyi gu sayisa, nyi na gu gira mutshanganisi nya vathu ni wenengedzo wa va nya mayigo;

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 46:4

Kala gugumbani gwanu, Eni nyi na simama nyiri eni kamwe, kala mu buga dzinvi eni nyi na simama nyi mi sayisa. Nyi si giride, gambe nyi nga na gu simama gu si gira; nyi na mi wugarela nyi mi vbanyisa.

Isaya 46:9

Alakanyani silo si vbindridego gukhugela gale ngudzu! Wonani nya gukhenu Eni kheni Nungungulu, mwalo mumbe Nungungulu a fananago ni eni;

Isaya 49:8

Pfhumu Nungungulu a ngu engedza a ganela kharati, khuye: Khu gikhati gi vbwetegago, nyi gu yingiside, khu litshigu nya guvbanyise nyi gu phaside, nyi gu sayisa u khala uwe gidzumeledzwano ni vathu, gasi u wusedza litigo, ni gu va kavedzela dzithomba dzi ghohetedwego;

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Isaya 60:16

U na sela mahwe ya va nya mayigo, u hodza thomba ya vafumeli. Khavbo avbo, u na dziti nya gukhuwe eni kheni Pfhumu Nungungulu, kheni Muvbanyisi ni Mudzegisi wago, nya Dzitshivbe wa Jakobe.

Ezekiyeli 34:11

Kholu Mune Pfhumu Nungungulu, a ngu ganela kharati, khuye: “Wonani gukhenu eni mune kamwe nyi na vbweta dzinvuta dzangu dzi dzimedego nyi dzi wuyisa.

Ezekiyeli 34:24

Eni Pfhumu Nungungulu nyi na khala Nungungulu wawe, gasi githumi gyangu Dhavhidhe a na khala muthangeli vbakari gwawe. Eni Pfhumu Nungungulu nyi ganede kharato.

Ezekiyeli 37:14

Nyi na mi thela Liphuvbo langu, mu na vbanya, nyi na mi tiyisa tigoni gwanu nya mavelego. Khavbo mu na dzitigo gukhenu Eni Pfhumu Nungungulu nyi ganede esi nyi wuya nyi si gira,” a ngu ganela Pfhumu Nungungulu.

Ezekiyeli 37:28

Avbo nyumba yangu nya miphaso yi na gu manegago vbakari gwawe kala gupindruga, mayigo ma na dziti gukhayo Eni kheni Pfhumu Nungungulu, nyi agisago Israyeli.”

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.