Isaya 27:13 - Bhibhiliya Nya Guage

¹³ Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 27:13 Iomraidhean Croise

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

1 Dzikoronika 15:24

Vaphasi nya mhamba Sebhaniya, Josafati, Nataniyeli, Amasayi, Zakariya, Bhenaya ni Eliyezeri avo va di gu womba mipundru mbeli nya Ngasa ya Nungungulu. Obhedhi-Edhomi, ni Jeya, a diri vawoneleli nya Ngasa.

Dzindzimo 47:5

Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

Dzindzimo 81:3

Wombani pundru nya buzo nya gumege nya ngima ni gudandra gwaye, a gu litshigu nya buzo wathu.

Dzindzimo 89:15

Va kategide vathu va gu khozelago khu lisine gu wombela mikulungwane, va vbanyago mbeli ga Pfhumu Nungungulu, gungangamelani nya khovbe yaye.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 11:16

Gu na manega ndzila nya yikhongolo ya vathu vaye va tshadego, vale va vbulugidego ga Asiriya, kha nga idzo gu giregidego khidzo ga va na Israyeli gudugani gwawe khu tigoni ga Egipito.

Isaya 18:3

Enu, mwatshavbo vavbanyi va mafuni ni sivelegwa sa tigoni, ya gu ghwimbwa ngavbya vbatshani nya sigomo, mu na yi wonani; avbo gu wombwago pundru, mu na wu pwani.

Isaya 19:21

Pfhumu Nungungulu a na tidwa tigoni ga Egipito, Vagipiti va na muti Pfhumu Nungungulu litshigu lolo; avo va na mu khozela va mu girela dzimhamba nya miphaso ni miningelo nya dzimbewu, va na gira sisambanyo ga Pfhumu Nungungulu, va bwelo khavbo va si landrisa.

Isaya 19:22

Pfhumu Nungungulu a na bayisa Vagipiti. A na va bayisa bwelo khavbo a va hawulugisa; avo va na vbindrugedza va wuya ga Pfhumu Nungungulu, Uye a na hakha milombelo yawe, a va vbanyisa.

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 49:7

A ngu ganela kharati Pfhumu Nungungulu, Mudzegisi wa Israyeli ni Gihathwa gyaye, wule a vengwago ni gu nyenywa khu mayigo, a gu githumi gya vafumeli nya dzihanyi, khuye: “Avbo vafumeli va na mu wonago, va na khuga va ema, manganagana ma na noga ma khidzima ma mu khozela; kholu lihaladzo la Pfhumu Nungungulu li tumbegide, Nya Guage wa Israyeli a gu hathidego.”

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Isaya 66:18

Kholu mithumo yawe ni mipimiso yawe, nyi ngu yiti! Gi nguta gikhati nyi na gu tombanisago mayigo ni malimi yatshavbo; va nata vata wona wudhumo wangu.

Isaya 66:23

Khu guralo, gumegani nya ngima ni ngima, ni Sabhadho ni Sabhadho, vathu vatshavbo va nata va ta nyi khozela, a ngu ganela Pfhumu Nungungulu.

Jeremiya 31:6

Kholu, li na vboha litshigu dzighadhi dzi na gu laledzago khu musigomoni sa Efrayimi, khidzo: “Khugani mu eme! Hi gwela Siyoni, mbeli ga Pfhumu Nungungulu wathu.”

Jeremiya 43:7

na va yeyiside kharato magana ya Pfhumu Nungungulu, va di khuga va hongola Egipito, va ya vboha dhoropani ga Tafenisi.

Jeremiya 44:28

Vadugwana ngudzu avo va na gu vbulugago gu sasedwa khu matshari va wuya tigoni gwawe Judhiya; avo va na vbulugago nya va na Judha va nga bani va khade valuveli tigoni ga Egipito, va na dziti nya gukhavo magana ya mani ma tiyidego: Ayo yangu, mwendro yawe.

Ezekiyeli 20:34

Nyi na mi wuyisa khu vbakari nya vathu, nyi mi tombanisa khu vbakari nya mayigo mu phalalegedego umo, khu mandza ni libogo nya tshivba, ni likhulo langu.

Ezekiyeli 20:41

Khu hwane nya gu na nyi mi wuyiside khu mayigoni mu nga bani mu phalalegede umo, nyi mi tombanisa nyaluphye, nyi na hakha khu gutsaka miphaso yanu nya guvbiswe, mahoni ga mayigo yatshavbo, mu na nyiti gukhenu eni nyi agide.

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Dhaniyeli 11:45

A naya tsitsa mitshatsha yaye nya wufumu vbakari nya linene ni gigomo nya gukatege. Aholu mahegiso gwaye gu nata, nyamba mana muthu nya gu mu lamulele gu mu lamulela.

Hoseya 11:11

Va na wuya khu Egipito na va gu vbuvba nga sinyoni, khu tigoni ga Asiriya, na va gu vbuvba nga matuva. Nyi ta va khadzisa nyaluphye dzindrangani gwawe; a ngu ganela Pfhumu Nungungulu.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:3

Kha va na simama gu khala tigoni ga Pfhumu Nungungulu, aholu Efrayimi a na bwelela tigoni ga Egipito, va naya hodza guhodza nya gunyenyeze tigoni ga Asiriya.

Levhi 25:9

Hwane nya ugo, u na ruma gu wombwa pundru khu tshivba ni tshivba, khu litshigu nya likhumi nya ngima nya livbandre na mivili. Litshigu nya tsetselelo nya wukhongolo, mu na ruma gu wombwa pundru tigoni gwanu gwatshavbo.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Zakariya 14:16

Mitshaledwa nya mayigo yatshavbo ma nga dwanago ni Jerusalema, khu mwaga ni mwaga yi na gwela yi ta khozela Mufumeli, Pfhumu Nungungulu nya Tshivba Yatshavbo, ni guya gira Buzo nya Mitshatsha.

Zakariya 8:7

Pfhumu Nungungulu nya Tshivba Yatshavbo a ngu ganela kharati, khuye: “Wonani gukhenu nyi na vbulugisa vathu vangu nyi va dusa ga mayigo ya Khugadambo ni ga mayigo ya Muhwadambo;

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

1 Vatesalonika 4:16

Iyo Pfhumu wurumba, gikhati gu na pwalago lito nya ngilozi nya yikhongolo ni pundru wa Nungungulu, yi na tshiga khu Ndzadzini, vale va fudego ga Kristo, va na guhegula khavo gu wuga.

Vahebheru 12:22

Aholu enu, mu vbohide gigomoni ga Siyoni, ni dhoropani ga Nungungulu a vbanyago, Jerusalema ga ndzadzini ni mazanazana nya dzingilozi dzaye.

Gutuledwa 10:7

Aholu ya gu kala yi womba pundru ngilozi nya livbandre na dzimbili, khavbo yi na gu tadzisegago misihalo ya Nungungulu, iyo a nga yi tivisago ga sithumi saye, a gu vaprofeti.”

Gutuledwa 8:2

Khavbo avbo, nyi di wona dzingilozi dzile nya livbandre na dzimbili dzi guromo mbeli ga Nungungulu, na dzi gu ningwa livbandre na mivili mipundru.

Gutuledwa 8:6

Dzingilozi dzile nya livbandre na dzimbili dzi di dzi dongisela gasi gu womba mipundru dzi nga bani dzi pharide mandzani.

Gutuledwa 9:14

Lito li di embela ngilozi nya livbandre na mweyo yi nga bani yi pharide pundru, khilo: “Tshula dzingilozi dza dzina dzi hungidwego bambe nya tsongo khongolo wa Ewufrate.”