Isaya 27:10 - Bhibhiliya Nya Guage

¹⁰ Kholu lidhoropa nya gutiye li khade marumbi, kha gu na khala gambe muthu umo, li vbindrugedzide li khala giwula, va na havisela umo dzimombe, dzi lala umo, dzi hodza matamo ma tshadego.

Isaya 27:10 Iomraidhean Croise

Isaya 17:2

Madhoropani ya Aroweri kha gu na khala gambe muthu; ma na khala malanga nya mitshambi, yi zumba umo, nyamba thurugisedwa khu vathu.

Isaya 17:9

Khu litshigu lolo, madhoropa yawe nya makhokhola ma na khala kha nga malanga nya marumbi ya khabini, ni dzitshokani nya sigomo, umo va nga tutumelago umo khu gu thava va na Israyeli, gu na tshala nari giwula basi.

Isaya 24:10

Lidhoropa nya gutale khu pfilupfilu li khungumudwe, malimba yatshavbo ma segidwe, mwalo a dzi kodzago gu bela umo.

Isaya 25:2

U giride lidhoropa, li khala litala nya siwindri, ni lidhoropa nya likhokhola, u li pfhungumudwe li khala marumbi, lidhoropa nya gutiye la va nya mayigo, li thegide, khandri lidhoropa gambe, gima kha li na wusedzwa gambe.

Isaya 32:19

gu thega maralala, ma hagadza likhabi, lidhoropa li na pfhungumudwa latshavbo.

Isaya 35:1

Giwula ni mafu nya gihala si na tsaka khu isoso; marumbi ma na kulungela, ma na buga senge nya gumbure nya nga makhonwa.

Isaya 49:21

Uwe u na ganela khu monyoni gwago, khuwe: “Khu mani a nyi velegedego sanana sesi? Kholu nyi fedwe khu sanana, kha nya nga tshuka nyi mana simbe; bwelo khavbo nyi diri mulegalegi wugumbini, khu mani a nyi sayisedego sanana sesi? Nyi di tshade na nyiri nyenga, gasi ava va diri hayi?”

Isaya 64:10

Madhoropa yago nya guage, ma khade giwula, Siyoni, khade mafu nya gihala; ni Jerusalema khade marumbi.

Isaya 7:21

Ga litshigu lolo, moyo ni moyo a na fuya mombe mweyo nya ngadzi ni dzinvuta dzimbili,

Isaya 7:25

Ni musigomoni gwatshavbo umo gu nga bani gu limwa, u na thava ni gu gu bela khu kotani nya sirangalabwa ni miba; gu na khala basi wuhaviselo nya dzimombe ni gu gandredzedwa khu dzinvuta.

Jeremiya 25:37

Mikova nya gunyuge nya wuhaviselo yi na sasedwa khu gu gugumuga nya likhulo la Pfhumu Nungungulu.

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 52:27

Mufumeli wa Bhabhiloni a di ya va songa dhoropani ga Ribala, umo nya gipandre gya Hamati; khu guralo, Judha a di vbagedwa a yiswa hwindzo ni tigoni gwaye.

Gililo 1:4

Dzindzila nya guhongole Siyoni dzomo gililoni; Mwalo ni moyo atago ga mibuzo yaye, myanya yaye yi pfhungumudwe, vaphasi vaye nya mhamba va gu tsikwila khu marongo, vanyamahegyane vaye va gu tshaniseka, uye mune wurumba tade khu wuvi. He

Gililo 5:18

Kholu gigomo gya Siyoni gi sasedwe gi khala marumbi, gwa gu gimbilagimbila umo migehe.

Ezekiyeli 36:4

Khu guralo, yingisani enu sigomo sa Israyeli, magana ya Mune Pfhumu Nungungulu; Mune Pfhumu Nungungulu, a ngu ganela kharati ga sigomo ni ga sigomwana, ga mitsongo ni ga mikova, ga malanga nya siwula nya guthise, ni madhoropa yakone ma phangidwego ma khala marumbi, ma vbindrugedzidego ma khala givalo ni gihegiso ga mayigo ma tshadego ya vaakelane.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.